ខេត្តបាត់ដំបង ៖ យោងតាមផេកស្នងការដ្ឋាននគរបាលខេត្តបាត់ដំបង បានឲ្យដឹងថា នៅថ្ងៃទី១១ ខែ វិច្ឆិកា ឆ្នាំ២០២៣ វេលាម៉ោងប្រមាណ១០និង៣០ នាទី មានករណីលួចមានស្ថានទម្ងន់ទោស (ប្រើប្រាស់កាំភ្លើងច្នៃជ័រ និងកាំ-បិ-តគំ-រា-មប្ល-ន់យកម៉ូតូ) មួយបានកើតឡើង ស្ថិតនៅចំណុចក្បែរស្ពានដំរីស្លាប់ ក្រុមទី១០ ភូមិពោធិ៍ ឃុំព្រៃខ្ពស់ ស្រុកបវេល ខេត្តបាត់ដំបង។
ករណីនេះបង្កឡើងដោយជនសង្ស័យម្នាក់ មិនស្គាល់អត្តសញ្ញាណ បានធ្វើសកម្មភាពគំ-រា-ម-បា-ញ់ស-ម្លាប់-ជនរងគ្រោះ ឈ្មោះ ពិ វ៉ិត ភេទស្រី អាយុ៤៦ឆ្នាំ រស់នៅក្រុម០២ ភូមិពោធិ៍ ឃុំព្រៃខ្ពស់ ស្រុកបវេល ខេត្តបាត់ដំបង ដើម្បីប្លន់យកម៉ូតូម៉ាកស្គុបពីពណ៌ស គ្មានស្លាក លេខស៊េរីឆ្នាំ២០២៣បានសម្រេច រួចជនសង្ស័យបានយកម៉ូតូជិះគេចខ្លួនបាត់ ។
បន្ទាប់ពីបានទទួលព័ត៌មាននេះភ្លាមនិងស្របតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោកឧត្តមសេនីយ៍ត្រី លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ឯក សុខ សារិន អធិការនគរបាលស្រុកបវេល បានដឹកនាំកម្លាំងជំនាញនគរបាលយុត្តិធម៌រួមជាមួយកម្លាំងអន្តរាគមន៍ កម្លាំងប៉ុស្តិ៍នគរបាលរដ្ឋបាលព្រៃខ្ពស់ និងកម្លាំងប៉ុស្តិ៍នគរបាលរដ្ឋបាលបួរ នៃអធិការដ្ឋានគរការដ្ឋាននគរបាលស្រុកភ្នំព្រឹកដែលមានលោកវរសេនីយ៍ទោ ហេង បារាំង ជាអធិការ ចុះស្រាវជ្រាវ និងធ្វើការស្ទាក់ចាប់បានជនសង្ស័យម្នាក់ឈ្មោះ ប៊ុត សុវណ្ណរិទ្ធ ហៅសៅលីញ ភេទប្រុស អាយុ៣០ឆ្នាំ រស់នៅភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ នៅចំណុចភូមិអន្លង់ក្រូច ឃុំបួរ ស្រុកភ្នំព្រឹក ខេត្តបាត់ដំបង និងដកហូតបាន៖
-ម៉ូតូរបស់ជនរងគ្រោះចំនួន០១គ្រឿង
-ម៉ូតូរបស់ជនសង័្សយចំនួន០១គ្រឿង
-ខ្នោះដៃចំនួន០១
-កាំបិតស្នៀតចំនួន០១
-អាវុធកែច្នៃចំនួន០១។
ពេលនេះនគរបាលស្រុករៀបចំកសាងសំណុំរឿងបញ្ជូនមកការិយាល័យជំនាញអនុវត្តតាមផ្លូវច្បាប់ រីឯម៉ូតូបានប្រគល់ជូនជនរងគ្រោះវិញ៕
.jpg?1699946304)
.jpg?1699946303)
