រាជធានីភ្នំពេញ ៖ ជនសង្ស័យម្នាក់ ធ្វើសកម្មភាពកាច់.កម៉ូតូម៉ាកស្កុបពី របស់ប្រជាពលរដ្ឋមួយគ្រឿងបានសម្រេច ព្យាយាមរត់ តែស៊យម៉ូតូជាប់ GPS ត្រូវជនរងគ្រោះសហការជាមួយនគរបាលប៉ុស្តិ៍ស្ទឹងមានជ័យទី១ និងនគរបាលប៉ុស្តិ៍ស្ទឹងមានជ័យទី២ តាមរកឃើញក្នុងវត្តនុន្ទមុនីស្រែកចោរៗដេញចាប់ផ្អើលពេញវត្ត ។
ហេតុការណ៍នេះបានកើតឡើងនៅល្ងាចថ្ងៃទី១៣ ខែកក្កដា ឆ្នាំ២០២៤ ក្នុងភូមិមានជ័យ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
ជនរងគ្រោះបានឲ្យដឹងថា មុនពេលកើតហេតុ ខ្លួនកំពុងរវល់ធ្វើការ ស្រាប់តែមានជនសង្ស័យខាងលើ មកធ្វើសកម្មភាពលួចកាច់.កម៉ូតូម៉ាកស្កុបពី ពណ៌ខ្មៅ ពាក់ស្លាកលេខ ភ្នំពេញ 1FT-1449 របស់គាត់ជិះគេចខ្លួនបាត់ តែដោយសារ ម៉ូតូជាប់ GPS ត្រូវជនរងគ្រោះសហការជាមួយនគរបាលប៉ុស្តិ៍ស្ទឹងមានជ័យទី១ និងនគរបាលប៉ុស្តិ៍ស្ទឹងមានជ័យទី២ តាមរកឃើញក្នុងវត្តនុន្ទមុនីស្រែកចោរៗដេញចាប់ផ្អើលពេញវត្ត រហូតចាប់ឃាត់ខ្លួនបានជនសង្ស័យខាងលើតែម្តង បញ្ជូនយកមកកាន់ប៉ុស្តិ៍ ស្ទឹងមានជ័យទី១ ដើម្បីចាត់ការបន្តតាមច្បាប់ ៕ អែល វិចិត្រ
