ខេត្តកំពង់ស្ពឺ​៖​ សមត្ថកិច្ចសំណូមពរដ៍ទទូច សូមបញ្ជៀសការគ្រោះថ្នាក់ចរា​ចរ​ណ៍ដោយការគោរពច្បាប់ទាំងអស់គ្នាអោយបានម៉ឺងម៉ាត់និងជាប់ជាប្រ​ចាំ​ "« ចាំមិនត្រូវភ្លេច​ ៗ​ គ្រប់វិនាទី​ » ជាការសោកស្ដាយដែ​លករណីគ្រោះថ្នាក់ចរាចរណ៍រវាង ម៉ូតូ​ បុក​ រថយន្ដពីក្រោយ​ ដែលរថយន្ដនោះបាន​ខូច​ រួចចត​នៅលើចិញ្ចើមផ្លូវកៅ​ស៊ូ​ ផ្លូវជាតិ​លេ​ខ៥១ ចន្លោះគីឡូ​ម៉ែត្រលេខ​០៨​-០៩ ត្រង់ចំណុចភូមិត្រពាំងឈូ​ក សង្កាត់ព្រះស្រែ ក្រុងឧដុង្គម៉ែជ័យ បណ្ដាលឲ្យអ្នកបើកបរម៉ូតូ ស្លាប់បាត់បង់ជីវិតភ្លាមៗ​ កាលពីវេ​លា​ម៉ោង​ ០៤ និង ៤០នាទី​ ថ្ងៃទី១០ ខែមិថុនា ឆ្នាំ២០២៥ ។ នេះបើយោងតាមផេកផ្លូវការរបស់ ស្នងការដ្ឋាននគរបាលខេត្តកំពង់ស្ពឺ​។

តាមការបញ្ជាក់ពី​អធិការ​រង​ ទទួល​បន្ទុក​ផ្នែក​សណ្ដាប់ធ្នាប់​ ថាម៉ូតូ ០១​គ្រឿង ម៉ាកHONDA DREAM 125CC ពណ៌ខ្មៅ ស៊េរី២០១៩ ពា​ក់ផ្លាកលេខខេត្ដកំពង់ចាម​1U-​14​6​6 អ្នកបើកបរឈ្មោះ​ ឈឺន សុផា​និ​ត ភេទប្រុស អាយុ១៨ឆ្នាំ​ (ពាក់មួកសុវត្ថិភាព) រស់នៅភូមិភូមិត្រពាំងត្មាត ឃុំស្រម៉រ ស្រុកជើ​ងព្រៃ ខេត្តកំពង់ចាម បើកបរពីទិសខាងជើងទៅទិសខាងត្បូង លុះមក​ដល់ត្រង់ចំណុចដូចខាងលើ បា​ន​ទៅបុកពី​ក្រោយរថយន្ដ ០១គ្រឿ​ង ម៉ាកFUSO ពណ៌ស ទ្រុងបៃបង ពាក់ផ្លាកលេខចង្កូតស្ដាំPP-2466 អ្នកបើក​បររថយន្ដ​ និងអ្នកគ្រប់គ្រង​រថយន្ត​ បានគេចខ្លួន​ក្រោ​យមានកើ​ត​ហេតុគ្រោះថ្នាក់​ខាងលើ​ ។

លើសពីនោះ​ សមត្ថកិច្ច​នគរបាល​ចរាចរណ៍​ថា​ រថយន្ដខូចរួចឈប់​នៅលើផ្លូវខាងស្ដាំដៃស្របទិសគ្នា ប៉ុន្ដែ​រថយន្ដមិនបានដាក់សញ្ញាសម្គាល់​ ដូចជា​ សាជី​ បារាស់ មែកឈើ​ ឬបើកភ្លើងត្រីកោណជាសញ្ញាអា​សន្នទេ​ ចំណុចនេះអាចធ្វើឱ្យអ្នកបើកបរប្រើប្រាស់ផ្លូវមានការ​បាត់បង់​ម្ចាស់​ការ​ គឺអាចកើតជាគ្រោះថ្នាក់តែម្ដង​ កំហុសមិនបាន​គោរពតាម​គោលការណ៍​ច្បាប់​ចរាចរណ៍​ កំណត់​ ។

ចំពោះវត្ថុតាង​មធ្យោបាយ​ម៉ូតូ​ និង​ រថយន្ត​ សមត្ថកិច្ច​ជំនា​ញ​បានកំពុងតែនាំយកមករក្សាទុកបណ្ដោះអា​សន្ន​ នៅ​អ​ធិការ​ដ្ឋាន​នគរបាល​ក្រុង​ឧដុង្គ​ម៉ែជ័យ​ ដើម្បី​រង់ចាំ​ដំណើរ​ការ​តាមនីតិវិធីច្បាប់​ ៕