ខេត្តបន្ទាយមានជ័យ ៖ ប្រតិបត្តិការចុះឆែកឆេ និងបង្ក្រាបទីតាំងក្លិបកម្សាន្តយីហោស្តាស៊ីធី សមត្ថកិច្ចឃាត់ខ្លួនជនជាតិខ្មែរនិងជនបរទេសប្រមាណជាង១០០នាក់ ក្នុងនោះមានភ្ញៀវនិងអ្នកបម្រើផងដែរ ប្រតិបត្តិការនេះបានធ្វើឡើងនៅព្រឹកថ្ងៃទី៣០ ខែតុលា ឆ្នាំ២០២៤ ស្ថិតនៅក្បាលស្ពានមួយ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។

លោកវរសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែត និងលោកវរសេនីយ៍ទោ កែវ ដូល អធិការរងទទួលផ្នែកប្រឆាំងគ្រឿងញៀនក្រុងប៉ោយប៉ែត កម្លាំងអធិការដ្ឋាននគរបាលក្រុងប៉ោយប៉ែត និងប៉ុស្តិ៍នគរបាលសង្កាត់អូរជ្រៅជាច្រើននាក់ បានចុះឆែកឆេបង្ក្រាបក្លឹបកំសាន្តយីហោស្តាស៊ីធីនៅក្រុងប៉ោយប៉ែត ត្រូវបានឃាត់ខ្លួនភ្ញៀវដែលទៅកម្សាន្ត និងអ្នកបម្រើក្នុងក្លិបកម្សាន្តស្តាស៊ីធីមានជាង១០០នាក់មានប្រុស-ស្រី ។

បើតាមប្រភពពីសមត្ថកិច្ចប្រឆាំងគ្រឿងញៀនក្រុងប៉ោយប៉ែតបានប្រាប់ថា ក្រោយឃាត់ខ្លួន កម្លាំងអធិការដ្ឋាននគរបាលក្រុងប៉ោយប៉ែតបានយករថយន្ត១៦កៅអីរបស់សាលាក្រុងប៉ោយប៉ែត ដឹកជញ្ជូនទៅទុកនៅទីបញ្ជាការដ្ឋាននគរបាលវរការពារព្រំដែនគោកលេខ៨៩១ និងរង់ចាំបទបញ្ជាថ្នាក់លើ ដើម្បីធ្វើតេស្តរកសារធាតុញៀន ។ប្រសិនជាមានប្រើប្រាស់គ្រឿងញៀននឹងបន្តអនុវត្តទៅតាមផ្លូវច្បាប់ រីឯអ្នកមិនប្រើប្រាស់គ្រឿងញៀននឹងត្រូវដោះលែងឳ្យត្រឡប់ទៅផ្ទះវិញជាធម្មតា ។

ជុំវិញករណីខាងលើនៅរសៀលថ្ងៃដដែលអង្គភាពសារព័ត៌មាន TVFB បានព្យាយាទំនាក់ទំនងទៅលោកឧត្តមសេនីយ៍ទោ សិទ្ធ ឡោះ ស្នងការដ្ឋាននគរបាលខេត្តបន្ទាយមានជ័យតែខលចូលមិនលើកទូរស័ព្ទ ។

សូមរងចាំទស្សនាព័ត៌មានលំអិតនៅលើគេហទំព័រ អេស ធីធីវីអេហ្វប៊ី ៕ដោយ៖លីណា