ខេត្តស្វាយរៀង ៖ ថ្នាំញៀនប្រភេទកេតាមីនគ្រាប់ចំនួន២៨១១៥គ្រាប់ ទម្ងន់ជិត០៣គីឡូក្រាម រួមជាមួយនឹងជនសង្ស័យចំនួន ០៤នាក់ ត្រូវបានសមត្ថកិច្ចធ្វើការចាប់ឃាត់ខ្លួន ។ នេះបើយោងតាមផេកផ្លូវការរបស់ ផែនការងារប្រឆាំងគ្រឿងញៀន ខេត្តស្វាយរៀង ។

សមត្ថកិច្ចបានឲ្យដឹងថា ប្រតិបត្តិការ បង្ក្រាបករណីជួញដូរ រក្សាទុកនិងប្រើប្រាស់ដោយខុសច្បាប់នូវសារធាតុញៀន នេះ ធ្វើឡើងនៅក្រងបាវិត ខេត្តស្វាយរៀង កាលពីថ្ងៃទី៣០ ខែមីនា ឆ្នាំ២០២៥ ។

ក្នុងវង្វង់ប្រតិបត្តិការនេះ ជនសង្ស័យជាជាតិវៀតណាមចំនួន០៤នាក់ រួមជាមួយវត្តុតាងថ្នាំញៀនប្រភេទកេតាមីនគ្រាប់ចំនួន២៨១១៥គ្រាប់ ទម្ងន់ជិត០៣គីឡូក្រាម ដែលជាប់ទាក់ទិនក្នុងករណីជួញដូរ រក្សាទុកនិងប្រើប្រាស់ដោយខុសច្បាប់នូវសារធាតុញៀន ត្រូវបានកម្លាំងសមត្ថកិច្ចជំនាញការិយាល័យប្រឆាំងគ្រឿងញៀនខេត្ត សហការជាមួយកម្លាំងអធិការដ្ឋាននគរបាលក្រុងបាវិតធ្វើការបង្ក្រាប និងបានកសាងសំណុំរឿងបញ្ជួនទៅកាន់សាលាដំបូងខេត្តដើម្បីចាត់ការតាមច្បាប់ ៕