អន្តរជាតិ៖ សារព័ត៌មាន Channel News Asia បានចេញផ្សាយនៅព្រឹកថ្ងៃទី១៨ ខែឧសភា ឆ្នាំ២០២១ បានឲ្យដឹងថា ការបោះឆ្នោតមហាសន្និបាតអង្គការសហប្រជាជាតិ ដែលមានសមាជិក១៩៣នាក់ នៅថ្ងៃអង្គារ (១៨ ឧសភា) លើ សេចក្តីព្រាងសេចក្តីសម្រេចចិត្តមួយ ដែលអំពាវនាវឱ្យមានការផ្អាកជាបន្ទាន់ នូវការផ្គត់ផ្គង់ការលក់ឬការផ្ទេរអាវុធ និងគ្រាប់រំសេវទាំងអស់ ដោយផ្ទាល់និងដោយប្រយោលទៅប្រទេសមីយ៉ាន់ម៉ា។
អ្នកនាំពាក្យរបស់ប្រធានមហាសន្និបាតអង្គការសហប្រជាជាតិ បាននិយាយនៅព្រឹកថ្ងៃច័ន្ទថា អង្គប្រជុំគ្រោងនឹងបោះឆ្នោតនៅថ្ងៃអង្គារនេះ។ គេមិនបានដឹងភ្លាមៗថា តើការបោះឆ្នោតនឹងត្រូវរៀបចំឡើងនៅពេលណានោះទេ។ អ្នកការទូតខ្លះបាននិយាយថា វាត្រូវបានពន្យារពេលក្នុងគោលបំណង ដើម្បីទទួលបានការគាំទ្របន្ថែម។
សេចក្តីព្រាងដំណោះស្រាយនេះអំពាវនាវដល់យោធាមីយ៉ាន់ម៉ា ដែលបានដណ្តើមអំណាចក្នុងរដ្ឋប្រហារថ្ងៃទី ១ ខែកុម្ភៈដើម្បីបញ្ចប់ភាពអាសន្ន បញ្ឈប់រាល់អំពើហិង្សាប្រឆាំងនឹងក្រុមបាតុករដោយសន្តិវិធី និងគោរពឆន្ទៈប្រជាជន ដូចដែលបានបង្ហាញនៅក្នុងលទ្ធផលនៃការបោះឆ្នោតខែវិច្ឆិកា។
សេចក្តីសម្រេចរបស់មហាសន្និបាត មិនមានលក្ខណៈស្របច្បាប់នោះទេ ប៉ុន្តែមានពំនោលទៅលើនយោបាយ។ មិនដូចក្រុមប្រឹក្សាសន្តិសុខដែលមានសមាជិក១៥ប្រទេស គ្មានប្រទេសណាមានសិទ្ធិវ៉េតូក្នុងមហាសន្និបាតនោះទេ។
ប្រទេសមីយ៉ាន់ម៉ា បានធ្លាក់ចូលទៅកាន់វិបត្តិ ចាប់តាំងពីយោធា បានបណ្តេញរដ្ឋាភិបាលដែលជាប់ឆ្នោត របស់មេដឹកនាំ លោកស្រី អ៊ុង សានស៊ូជី និងបានឃុំខ្លួនលោកស្រីនិងមន្ត្រីនៃគណបក្សសម្ព័ន្ធជាតិ ដើម្បីលទ្ធិប្រជាធិបតេយ្យ របស់លោកស្រី។ អង្គការសហប្រជាជាតិអំពាវនាវឱ្យមានការដោះលែងពួកគេផងដែរ។
យោធាដែលបានបង្កើតរបបយោធាដែលគ្រប់គ្រងដោយឧត្តមសេនីយ៍ បាននិយាយពីការក្លែងបន្លំនៅក្នុងការបោះឆ្នោតខែវិច្ឆិកា ដែលបានធ្វើឱ្យលោកស្រី អ៊ុង សានស៊ូជី ឈ្នះឆ្នោតឡើងកាន់អំណាច។ គណៈកម្មការរៀបចំការបោះឆ្នោតបាននិយាយថា ការបោះឆ្នោតគឺត្រឹមត្រូវ។
សេចក្តីព្រាងដំណោះស្រាយមហាសន្និបាត« អំពាវនាវដល់កងកម្លាំងប្រដាប់អាវុធមីយ៉ាន់ម៉ា បញ្ឈប់រាល់អំពើហិង្សាប្រឆាំងនឹងក្រុមបាតុករដោយសន្តិវិធី សមាជិកនៃសង្គមស៊ីវិល ស្ត្រី យុវជន ក៏ដូចជាកុមារ»។
យ៉ាងហោចណាស់មានមនុស្ស ៧៨៨នាក់ ត្រូវបានសម្លាប់ ដោយកងកម្លាំងសន្តិសុខរបស់យោធា ក្នុងការបង្ក្រាបលើការតវ៉ាប្រឆាំងនឹងច្បាប់របស់ខ្លួន នេះបើយោងតាមក្រុមតស៊ូមតិ។
សហរដ្ឋអាមេរិកអង់គ្លេសនិងកាណាដានៅថ្ងៃច័ន្ទម្សិលមិញនេះ បានដាក់ទណ្ឌកម្មថ្មីសំដៅទៅលើរបបយោធារបស់មីយ៉ាន់ម៉ា៕
ប្រភព៖ Channel News Asia ប្រែសម្រួល៖ នង ណារិន
