រាជធានីភ្នំពេញ ៖ ជនសង្ស័យម្នាក់ ត្រូវបានសមត្ថកិច្ចជំនាញ និងកម្លាំងប៉ុស្តិ៍​នគរបាល​រដ្ឋបាល​ចោមចៅ​ទី២ នៃអធិការដ្ឋាននគរបាលខណ្ឌពោធិ៍សែនជ័យ ធ្វើការឃាត់ខ្លួន ពាក់ព័ន្ធករណីហិង្សា និងប្រើប្រាស់ដោយខុសច្បាប់ នូវសារធាតុញៀន​ បន្ទាប់ពីក្រុមគ្រួសាររាយការណ៍ប្តឹងមកសមត្ថកិច្ចដើម្បីឱ្យជួយអន្តរាគមន៍។

ការឃាត់ខ្លួននេះធ្វើឡើងនៅថ្ងៃទី​២៨ ខែមេសា​​ ឆ្នាំ​២០២៤​ វេលាម៉ោង​ ០០:៣០នាទី​ ស្ថិត​នៅភូមិព្រៃល្វា សង្កាត់​ចោមចៅ​២​ ខណ្ឌពោធិ៍​សែនជ័យ​ រាជធានីភ្នំពេញ ។

សមត្ថកិច្ចបានឲ្យដឹងថា ជនសង្ស័យដែលឃាត់ខ្លួននេះមាន ឈ្មោះ​ ម៉ែន​ វិចិត្រា​ ហៅ​ ម៉ៅ​ ​ភេទប្រុស​ មុខរបរមិនពិតប្រាកដ​។

ក្នុងនោះវត្ថុតាង​ដកហូត​:​ កន្ត្រៃ​ដែកចំនួន​០១​ដើម​ នឹង​ខ្សែ​ក្រវ៉ាត់​ចំនួន​០១ខ្សែ​។

បច្ចុប្បន្នជនសង្ស័យ និងវត្ថុតាងខាងលើ សមត្ថកិច្ចកំពុង​កសាងសំណុំរឿងបញ្ជូន​ទៅតុលាការ ដើម្បីចាត់ការតាមនីតិវិធី៕