អន្តរជាតិ៖ សារព័ត៌មាន Aljazeera បានចេញផ្សាយនៅថ្ងៃទី១៨ ខែឧសភា ឆ្នាំ២០២១ បានឲ្យដឹងថា ក្រុមវេជ្ជបណ្ឌិតឥណ្ឌា បានកត់ត្រាពីការឆ្លងមេរោគផ្សិត ខ្មៅ(mucormycosis)ក្នុងខ្លួនអ្នកជំងឺកូវីដ១៩ ដែលជាការឆ្លង ពិបាកព្យាបាលខ្លាំងបំផុតក្នុងចំណោមអ្នកជំងឺកូវីដ-១៩ ។

វិស្វករមេកានិក ឈ្មោះMilind Deshmukh ដែលមានអាយុ ៣៥ ឆ្នាំ មក ជាយក្រុង Mumbai បាន ឆ្លង មេរោគផ្សិតខ្មៅដែលគេស្គាល់ថាជា mucormycosis ក្រោយពេលឆ្លង វីរុសកូវីដ១៩។

វិស្វករមេកានិករូបនេះ ក្នុងរយៈពេល១ខែ ឆ្លងមេរោគផ្សិតខ្មៅនេះ បានរីករាលដាលលឿន ចូលទៅស៊ី ផ្នែកធំនៃជាលិកាមុខ របស់គេ រួមទាំងភ្នែក និងក្រអូមមាត់។

បងប្រុសបង្កើតរបស់លោក Deshmukh លោក Makarand បានប្រាប់ Al Jazeera ថា« ប្អូនរបស់ខ្ញុំបានទទួលការវះកាត់ចំនួន ៣ដង បានធ្វើឲ្យភ្នែកគាត់ពិការម្ខាង ហើយនឹងពិបាកក្នុងការនិយាយរឺ បរិភោគ ដោយសារតែការកាត់ យកក្រអូមមាត់ចេញ»។ វាអាក្រក់ណាស់។

-តើមានករណីប៉ុន្មានត្រូវបានរកឃើញ?

វេជ្ជបណ្ឌិតនៅប្រទេសឥណ្ឌា បានកត់ត្រាពីការរីករាលដាលដ៏ធំមួយ ក្នុងករណីមានការឆ្លងមេរោគផ្សិតដែលពិបាកព្យាបាលខ្លាំង។

ខណៈពេលដែលករណី mucormycosis ត្រូវបានគេឃើញនៅក្នុងប្រទេស មុនការកើនឡើងនៃការឆ្លងនាពេលបច្ចុប្បន្ន ដែល ស្ថិតក្នុងខ្លួន អ្នកដែលឆ្លងវីរុសកូវីដ- ១៩ និងអ្នកដែលបានជាសះស្បើយពីជំងឺនេះ។

វេជ្ជបណ្ឌិត Milind Navalakhe ផ្នែក វះកាត់ត្រចៀកច្រមុះនិងបំពង់ក នៅមន្ទីរពេទ្យសកលក្រុងបុមបៃ ដែលបានធ្វើការវះកាត់យកក្រអូមមាត់ចេញទៅលើ Deshmukh បាននិយាយថា«វាជាស្ថានភាពគ្រោះថ្នាក់» ។

លោកមានប្រសាសន៍ថា«ពេលនេះខ្ញុំឃើញថា មាន ២៥ ករណីនៃជំងឺផ្សិតខ្មៅ ក្នុងមួយសប្តាហ៍លើអ្នកជំងឺកូវីដ - ១៩ ទាំងអស់ កំពុងសម្រាកព្យាបាលឬជាសះស្បើយ»។

រដ្ឋ Maharashtra ភាគខាងលិច នៃទីក្រុង Mumbai បានកត់ត្រាករណីប្រមាណ ២០០០ ករណី និងអ្នកស្លាប់ចំនួន ៨ នាក់ដោយសារជំងឺផ្សិតខ្មៅ រហូតមកដល់ពេលនេះ។

រដ្ឋមន្រ្តីក្រសួងសុខាភិបាលលោក Rajesh Tope បានប្រកាសបង្កើតទីប្រជុំជនពិសេសនៅក្នុងមន្ទីរពេទ្យ ដើម្បីព្យាបាលជំងឺ ផ្សិតខ្មៅ។

-តើអ្វីបណ្តាលឱ្យមានជំងឺ mucormycosis?

Mucormycosis ដែលត្រូវបានគេស្គាល់ថាជាផ្សិតខ្មៅ ឬzygomycosis គឺបណ្តាលមកពីក្រុមផ្សិតមួយដែលមានឈ្មោះថា mucormycetes ។

មជ្ឈមណ្ឌលត្រួតពិនិត្យនិងការពារជំងឺ បាននិយាយថា ផ្សិតទាំងនេះរស់នៅក្នុងបរិស្ថាន ជាពិសេសនៅក្នុងដីនិងក្នុងការពុកផុយសរីរាង្គ ដូចជាស្លឹកគំនរ ជីកំប៉ុស ឬឈើរលួយ។

នៅពេលនរណាម្នាក់ដកដង្ហើម ផ្សិតទាំងនេះ នឹងឆ្លង ដែលជាទូទៅប៉ះពាល់ដល់ប្រហោងឆ្អឹងឬសួត។

អ្នកជំនាញផ្នែកវេជ្ជសាស្ត្រនិយាយថា ជំងឺ mucormycosis គឺជា«ការឆ្លងតាមឱកាសនិយម» - វាទាក់ទងទៅនឹងមនុស្សដែលកំពុងប្រយុទ្ធនឹងជំងឺឬកំពុងប្រើថ្នាំ ក្នុងការប្រយុទ្ធប្រឆាំងនឹងការឆ្លង។

អ្នកជំនាញនិយាយថា អ្នកជំងឺដែលឆ្លង ជំងឺកូវីដ ១៩ មានភាពស៊ាំចុះខ្សោយ ហើយមួយចំនួនធំ ត្រូវបានគេប្រើថ្នាំស្តេរ៉ូអ៊ីត ដើម្បីព្យាបាល ។

ភាគច្រើននៃការឆ្លងមេរោគ mucormycosis ត្រូវបានគេឃើញនៅក្នុងអ្នកជំងឺដែលមានជំងឺទឹកនោមផ្អែម (COVID-19) ឬអ្នកដែលមានជាតិស្ករក្នុងឈាមខ្ពស់ ។

-តើវារីករាលដាលទេ?

ក្រុមគ្រូពេទ្យនៅរដ្ឋធានីញូវដែលី ប្រទេសឥណ្ឌា ក៏បានចាប់ផ្តើមធ្វើសាក្សីផងដែរក្នុងករណីមានជំងឺផ្សិតខ្មៅ។

ទីក្រុងដែលមានប្រជាជនជិត ២០ លាននាក់ កំពុងហក់ឡើងនៅក្រោមរលកទី ២ ដ៏អាក្រក់នៃជំងឺកូវីដ ១៩ ដោយក្រុមគ្រូពេទ្យរំពឹងថា នឹងមានការផ្ទុះឡើងនៃជំងឺផ្សិតខ្មៅកាន់តែធំឡើង។

លោកស្រីវេជ្ជបណ្ឌិត Neha Gupta ផ្នែកវេជ្ជសាស្ត្រនិងឯកទេសជំងឺឆ្លងនៃមន្ទីរពេទ្យ Medanta បាននិយាយថា« យើងកំពុងតែឃើញមានករណីនៃជំងឺផ្សិតខ្មៅ ចំនួន ២ ទៅ ៣ ដង»។

លោកស្រី បាននិយាយថា អ្នកជំងឺកំពុងចូលមកដោយមានរោគសញ្ញាដូចជា មានការបាក់ធ្មេញ , ឈឺមុខធ្ងន់ធ្ងរនិងហើមផ្ទៃមុខ។ Mucormycosis ត្រូវបានគេស្គាល់ផងដែរថា នឹងវិវត្តលើស្បែក ប្រសិនបើផ្សិត ចូលតាមរយៈការកាត់ រឺរងរបួសផ្សេងៗ។

នៅភាគខាងលិចរដ្ឋហ្គូចារ៍ មន្ទីរពេទ្យបានចាប់ផ្តើមរៀបចំ ចំពេលមានករណីកើនឡើងនៃការឆ្លងមេរោគផ្សិតខ្មៅមួយនេះ។

មន្រ្តីរដ្ឋក៏បានដាក់ការបញ្ជាទិញថ្នាំប្រឆាំងនឹងមេរោគផ្សិតខ្មៅ ដែលមានឈ្មោះថា Amphotericin-B ដែលមានសារៈសំខាន់ក្នុងការព្យាបាលជំងឺ mucormycosis ។

មន្ទីរពេទ្យស៊ីវិល Ahmedabad បានទទួលយកអ្នកជំងឺដែលមានជំងឺផ្សិតខ្មៅ ចំនួន ១៩ នាក់កាលពីសប្តាហ៍មុន។ មន្ទីរពេទ្យរដ្ឋនិងមន្ទីរពេទ្យឯកជនជាច្រើនមកពីទីក្រុងផ្សេងៗក្នុងរដ្ឋ រួមមាន Surat, Anand និងVadodara ក៏បានរាយការណ៍ពីករណីនេះដែរ។

វេជ្ជបណ្ឌិត Tanu Singhal អ្នកឯកទេសខាងជំងឺឆ្លងមានមូលដ្ឋាននៅទីក្រុងបុមបៃ បានប្រាប់អាល់ចាហ្សីរ៉ាថា« ជំងឺផ្សិតខ្មៅ គឺដូចជាជំងឺមហារីក ដែលវារីករាលដាលយ៉ាងឆាប់រហ័សដែលលុកលុយរាងកាយ»៕ 

ប្រភព៖ Aljazeera ប្រែសម្រួល៖ នង ណារិន