រាជធានីភ្នំពេញ ៖ យោងតាមផេកផ្លូវរបស់ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ ដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅ​ថ្ងៃទី​០៥ ខែមិថុនា ឆ្នាំ២០២៥​ កម្លាំង​ប៉ុស្តិ៍​នគរបាលរដ្ឋបាលក្រាំងធ្នង់ គោកឃ្លាង និងភ្នំពេញថ្មី នៃអធិការដ្ឋាននគរបាលខណ្ឌសែនសុខ បានចុះផ្សព្វផ្សាយណែនាំ​តាម​បណ្ដា​ហាង​ជួសជុល​ លក់សម្ភារម៉ូតូ​ និង​រថយន្ត​ ហាមមិនឱ្យមានលក់ និង​តំឡើង​ ឬកែច្នៃបំពង់ស៊ីមុំាងម៉ូតូ និងរថយន្ដ គ្រប់ប្រភេទ៕