អន្តរជាតិ៖ សារព័ត៌មាន Aljazeera បានចេញផ្សាយនៅថ្ងៃទី២៤ ខែឧសភា ឆ្នាំ២០២១ បានឲ្យដឹងថា ការិយាល័យអាកាសធាតុរបស់ប្រទេសឥណ្ឌា បានព្រមានថា ព្យុះស៊ីក្លូនកំពុងបោកបក់នៅឆ្នេរភាគខាងកើតនៃប្រទេសឥណ្ឌា ខណៈចំនួនអ្នកស្លាប់បានកើនឡើងពីព្យុះដ៏ធំមួយនេះ ដែលបានបង្កការបំផ្លិចបំផ្លាញនៅភាគខាងលិចប្រទេស ខណៈដែលកំពុងរងការវាយប្រហាររលកទី២ដោយវីរុសកូវីដ១៩ ។

នាយកដ្ឋានឧតុនិយមឥណ្ឌា បាននិយាយថា ការរំកិលឆ្ពោះទៅភាគខាងជើងក្នុងឈូងសមុទ្របេងហ្គាល់ ដែលត្រូវបានគេបង្កើតជាព្យុះស៊ីក្លូន មានឈ្មោះថា Yaas មុនពេលកំពុងវាយប្រហារនិងវាយប្រហារភាគខាងកើតរដ្ឋ West Bengal និង Odisha កាលពីថ្ងៃពុធសប្តាហ៍មុន។

ព្យុះនេះអាចបក់បោកជាមួយល្បឿនខ្យល់ រហូតដល់ ១៦៥ គីឡូម៉ែត្រ ទៅ ដល់ ១៨៥ គីឡូម៉ែត្រ (១១៥ ម៉ៃល៍) ក្នុងមួយម៉ោង ជាមួយនឹងការព្រមានពីការកើនឡើងនៃទឹករលកសមុទ្រ មានកម្ពស់រហូតដល់ ៤ ម៉ែត្រនៅតាមតំបន់ឆ្នេរ។

នាយករដ្ឋមន្រ្តីលោក ណារិន ដ្រាម៉ូឌី កាលពីថ្ងៃអាទិត្យ បាននិយាយថា លោកបានដឹកនាំកិច្ចប្រជុំមួយស្តីពីព្យុះដែលខិតជិតមកដល់ ដោយក្រុមយោធានិងក្រុមគ្រោះមហន្តរាយ បានដាក់ពង្រាយដើម្បីជួយក្នុងការរៀបចំ និងប្រតិបត្តិការជួយសង្គ្រោះដែលមានសក្តានុពល។

ព្យុះស៊ីក្លូនYaasនឹងត្រូវវាយប្រហារភ្លាមៗ បន្ទាប់ពីព្យុះស៊ីក្លូនTauktae ដែលជាព្យុះត្រូពិកដ៏ធំដំបូងបង្អស់របស់ឥណ្ឌានៅរដូវកាលនេះ ដែលបានវាយប្រហាររដ្ឋភាគខាងលិចរដ្ឋហ្គូចាកាលពីថ្ងៃច័ន្ទ។

កងទ័ពជើងទឹកបាននិយាយថា ចំនួនអ្នកស្លាប់ដោយសារព្យុះបានកើនឡើងដល់ ១៤០ នាក់កាលពីថ្ងៃអាទិត្យ ដោយមានសាកសពចំនួន ៧០បានរកឃើញ បន្ទាប់ពីព្យុះបានវាយប្រហារស្ថានីយ៍ប្រេងមួយនៅឯទីក្រុង Mumbai និងនាវា ជាច្រើន។

មនុស្សប្រហែល ៦០០ នាក់ ត្រូវបានជួយសង្គ្រោះដោយកងនាវាចរ ប៉ុន្តែមនុស្ស ៥ នាក់ទៀតកំពុងបាត់ខ្លួនពីទូកដឹកប្រេងសម្រាប់កម្មករប្រេងដែល បានលិច។

កងទ័ពជើងទឹកបាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា« ការរុករកនិងជួយសង្គ្រោះ ដោយកប៉ាល់និងឧទ្ធម្ភាគចក្រ / យន្តហោះ នឹងបន្តនៅក្នុងតំបន់នោះ ដើម្បីកំណត់រកនាវិកដែលនៅសេសសល់»។

ក្រុមអ្នកវិទ្យាសាស្ត្របាននិយាយថា ព្យុះស៊ីក្លូននៅក្នុងតំបន់ដែលមានប្រជាជនច្រើន ដែលបច្ចុប្បន្នកំពុងរងនូវ រលកទី២ ដ៏សាហាវនៃការឆ្លងវីរុសកូវីដ១៩ កំពុងក្លាយជាញំញី និងខ្លាំងជាងមុន ៕ ប្រភព៖  Aljazeera ប្រែមស្រួល៖ នង ណារិន