ខេត្តបាត់ដំបង៖ យ៉ាងហោចណាស់ បុរសម្នាក់បានស្លាប់យ៉ាងរន្ធត់ និងម្នាក់ទៀត បានរងរបួសធ្ងន់ធ្ងរ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ ក្រោយត្រូវគ្រាប់មីនតោន ដែលបង្កប់ក្នុងដី សេសសល់ពីសម័យសង្រ្គាម ផ្តាច់ជីវិត កាលពីវេលាម៉ោង២ និង៣០នាទីរសៀល ថ្ងៃទី២៧ ខែ ឧសភា ឆ្នាំ២០២១ នៅ ចំណុច ភូមិ ចំការ ចេក ឃុំ ស៊ុង ស្រុក សំឡូត ខេត្ត បាត់ដំបង បន្ទាប់ពីមានស្នូរផ្ទុះយ៉ាងកក្រើកដីជាហេតុ បង្កឲ្យមានការភ្ញាក់ផ្អើល ដល់ប្រជាពលរដ្ឋ និងអាជ្ញាធរមានសមត្ថកិច្ចនៅទីនោះ។

ស្ងាត់សម្លេងផ្ទុះនេះភ្លាម បុរសម្នាក់ឈ្មោះ ប៊ ន សុ គា ភេទ ប្រុស អាយុ ២៨ ឆ្នាំ ជាពលរដ្ឋរស់នៅក្នុងមូលដ្ឋាននេះបានស្លាប់ រីឯ ឈ្មោះ ហង់ លីហ័ រ ភេទ ប្រុស អាយុ ២៦ ឆ្នាំ ជាអ្នកជិតខាងរួមដំណើរជាមួយគ្នា រងរបួស ធ្ងន់។ ចំណែកគោយន្តត្រូវបានបំផ្លាញខ្ទេចខ្ទី ដោយសារកម្លាំងផ្ទុះនៃគ្រាប់ មីនតោន។

ស្នងការដ្ឋាននគរបាលខេត្តបាត់ដំបង បានបញ្ជាក់ថា ទទួលបានព័ត៌មានច្បាស់អំពីរឿងហេតុ ដ៏រន្ធត់នេះ លោកវរសេនីយ៍ទោ ម៉ែន រីម អធិការនគរ បាលស្រុកសំឡូត បានរាយការណ៍បន្ទាន់ជូនលោកឧត្តមសេនីយ៍ទោ សាត គឹមសាន ស្នងការ នៃ ស្នងការដ្ឋាននគរបាលខេត្តបាត់ ដំបងបានជ្រាប និងសុំយោបល់អនុ វត្តបន្ត។ ក្រោមយោបល់ណែនាំរបស់លោក ស្នងការ លោកអធិការនគរបាលស្រុក បានបញ្ជូនកម្លាំងទៅដល់កន្លែងកើតហេតុ។

លោកវរសេនីយ៍ ទោ ម៉ែន រីម បានឲ្យដឹងថា ចំណុចដែលមានករណីផ្ទុះមីនតោននេះ ជាសមរភូមិប្រ យុ ទ្ធគ្នាពីមុនមក ហើយរហូតមកដល់ពេលនេះ មិនទាន់មានការ បោស សំអាត រំដោះយក យុទ្ធ ភ័ណ្ឌពីក្នុងដីអស់នៅឡើយទេ ផ្លូវ ដែលគោយន្តរបស់គាត់បើកបរ ទៅជាន់លើគ្រាប់មីននាពេលនេះ គឺជាផ្លូវ(ចាស់) ក្នុងសម័យសង្រ្គាម ហើយក្រោយមក មិនមានអ្នកណាប្រើប្រាស់លើផ្លូវនេះ ទេ តែជាអកុសលថ្ងៃនេះ ខណៈជនរងគ្រោះបើកបរគោយន្តរវាងឡើងលើផ្លូវ(ចា ស់) ក៏ជួបគ្រោះថ្នាក់នេះតែម្តង។

លោកអធិការបន្តថា ប្រសិនបើមិនមានសមត្ថកិច្ចរបស់លោកទៅដល់ និងមានវិធានការភ្លាមៗនៅកន្លែងកើតហេតុទេ នោះ គោយន្តមួយគ្រឿងផ្សេង ទៀត រួមទាំងអ្នកចូលទៅជួយសង្រ្គោះផង ដែលបម្រុងចូលទៅដឹកយកសពជនរងគ្រោះខាងលើចេញពីទីនោះ នឹងជួបគ្រោះថ្នាក់ជាន់គ្រាប់ មីនបន្ថែមទៀតជាក់ជាមិនខាន ព្រោះស្ថិតនៅក្បែរទីកន្លែងផ្ទុះនោះ ត្រូវបានប្រទះឃើញគ្រាប់មីនតោនចំនួន ០១គ្រាប់ និងគ្រាប់មីន(ផ្កាចាន់) ចំនួន០១គ្រាប់ទៀតស្ថិតនៅលើគ្នា។

នៅពេលនេះមន្រ្តីជំនាញនៃអង្គភាពCMAC បាន ពិនិត្យនិងហ៊ុព័ទ្ធចំណុចនោះទុកដើម្បីធ្វើការ បន្តនៅថ្ងៃនេះទៀត៕ ប្រភព៖ ស្នងការដ្ឋាននគរបាលខេត្តបាត់ដំបង