ត្រីខ្ទាតពេញផ្លូវ ខណៈស្ត្រីម្នាក់ កំពុងជិះម៉ូតូដឹកត្រីសុខៗ ត្រូវបានរថយន្តកុងតឺន័រមួយគ្រឿង បុកកិនចំពីលើ សំណាងណាស់ គាត់ស្រវ៉ាគេចចេញទាន់ មិនដូច្នេះទេ ប្រហែលជាកើតមានការសោកសៅមិនខាន បង្កការភ្ញាក់ផ្អើលកាលពីវេលាម៉ោង១០ និង៥៥នាទីព្រឹកថ្ងៃ២៨ ខែឧសភា ឆ្នាំ២០២១ នៅចំណុចស្តុកទួលពង្រ ភូមិត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មាន បានឲ្យដឹងថា មុនពេលកើតហេតុ គេឃើញស្ត្រីរងគ្រោះជិះម៉ូតូមួយគ្រឿង ម៉ាកស្មាស់វី ពណ៌ស ពីលិចទៅកើត លុះដល់ចំណុចភ្លើងស្តុបទួលពង្រ ក៏មានរថយន្តកុងតឺន័រមួយគ្រឿង មកពីក្រោយស្របទិសគ្នា ពេលនោះរថយន្តបានបត់ស្តាំជ្រុលចង្កូតកិនចំពីលើម៉ូតូ បណ្តាលឲ្យរងការខូចខាតយ៉ាងដំណំ ។ សំណាងល្អណាស់ ស្ត្រីរងគ្រោះគេចខ្លួនចេញទាន់ ។
ក្រោយកើតហេតុ សមត្ថកិច្ចបានធ្វើការវាស់វែង យករថយន្តនិងម៉ូតូទៅរក្សាទុកនៅអធិការដ្ឋាននគរបាលខណ្ឌមានជ័យ ដើម្បីរង់ចាំដោះស្រាយគ្នាពេលក្រោយតាមច្បាប់បន្តទៀត៕
