ខេត្តកំពង់ឆ្នាំង៖ ជនសង្ស័យម្នាក់ ធ្វើសកម្មភាពលបចូលបរិវេណផ្ទះរបស់ប្រជាពលរដ្ឋ លួចយក ផ្លែពូថៅ ផ្លែកាំបិតកកុក ចបជីកដងដែក រនាស់ដងដែក កង់រថយន្តមួយគ្រាប់ ត្រូវបានកម្លាំងប៉ុស្តិ៍នគរបាលរដ្ឋបាលអណ្ដូងស្នាយ របស់អធិការរដ្ឋាននគរបាលស្រុករលាប្អៀរ ធ្វើការចាប់ឃាត់ខ្លួន កាលពីវេលាម៉ោង ២និង ៣០នាទីរសៀល ថ្ងៃទី២៨ ខែឧសភា ឆ្នាំ២០២១ ក្នុងភូមិចារថ្មី ឃុំអណ្តូងស្នាយ ស្រុកលាប្អៀរ ខេត្តកំពង់ឆ្នាំង។
ស្នងការដ្ឋាននគរបាលខេត្តកំពង់ឆ្នាំងបញ្ជាក់ថា ជនសង្ស័យដែលឃាត់ខ្លួនបានមានឈ្មោះ កុប ម៉ាត់ ភេទប្រុស អាយុ៣៣ឆ្នាំ មានទីលំនៅភូមិចារថ្មី ឃុំ អណ្តូងស្នាយ ស្រុកលាប្អៀរ ត្រូវបានឃាត់ខ្លួនពីបទលួច កាលពីរថ្ងៃទី២១ ខែឧសភា ឆ្នាំ២០២១ នៅផ្ទះរបស់ជនរងគ្រោះ ឈ្មោះអែល ណូស ភេទប្រុស អាយុ៥០ឆ្នាំ។
បច្ចុប្បន្នជនសង្ស័យខាងលើ ត្រូវបានកម្លាំងជំនាញ ឃាត់ខ្លួនកសាងសំណុំរឿងរួមទាំងវត្ថុតាង បញ្ជូនមកស្នងការដ្ឋាននគរបាលខេត្តចាត់ការតាមនីតិវិធីច្បាប់៕ ប្រភព៖ ស្នងការដ្ឋាននគរបាលខេត្តកំពង់ឆ្នាំង
