រាជធានីភ្នំពេញ ៖ រថយន្តសណ្តោងកន្ទុយដឹកប្រេងឥន្ធនៈមួយគ្រឿង បើកសុខៗ ស្រាប់តែរេចង្កូត មកធ្លាក់ចូលប្រឡាយទឹក សំណាងណាស់ គ្មាននរណាម្នាក់ មានគ្រោះថ្នាក់ គ្រាន់តែបង្កការភ្ញាក់ផ្អើលកាលពីវេលាម៉ោង ១១ និង ៣០ នាទី ថ្ងៃទី ៣១ ខែឧសភាឆ្នាំ ២០២១ លើផ្លូវជាតិលេខ ៤ ក្នុងសង្កាត់កន្ទោប ខណ្ឌកំបូល រាជធានីភ្នំពេញ ។

បើតាមប្រភពព័ត៌មានពីម្ចាស់រថយន្តដឹកប្រេងឥន្ធនៈធុនធំមួយគ្រឿង ដែលពាក់ស្លាកលេខ ភ្នំពេញ 4A-4368 បានប្រាប់មកក្រុមការងារ TVFB ថា មុនពេលកើតហេតុគាត់ បានបើករថយន្តនេះ តាមបណ្ដោយផ្លូវជាតិលេខ ៤ លុះមកដល់ចំណុចកើតហេតុ គាត់បានបួងចង្កូត គេចពីម៉ូតូមួយគ្រឿង ទើបបណ្តាលឲ្យរេចង្កូត ធ្លាក់ទៅក្នុងប្រឡាយទឹក តែម្តង សំណាងគ្មាននរណាម្នាក់ រងរបួសអ្វីនោះឡើយ ហើយបន្ទាប់ពីកើតហេតុ គាត់ក៏បាន ទំនាក់ទំនងទៅម្ចាស់ក្រុមហ៊ុនរបស់គាត់ ឲ្យហៅរថយន្តស្ទូច មកស្ទូចរថយន្តរបស់គាត់ចេញពីប្រឡាយទឹកនៅព្រឹកស្អែក ៕