អន្តរជាតិ៖ សារព័ត៌មាន BBC បានចេញផ្សាយនៅថ្ងៃទី២៥ ខែមិថុនា ឆ្នាំ២០២១ បានឲ្យដឹងថា យ៉ាងហោចណាស់មានមនុស្សម្នាក់បានស្លាប់ និងរាប់សិបនាក់កំពុងបាត់ខ្លួន បន្ទាប់ពីការបាក់រលំនៃអគារលំនៅដ្ឋានកម្ពស់១២ជាន់ នៅភាគខាងជើងទីក្រុង Miami នៃរដ្ឋFlorida។
យោងតាមលោក Danielle Levine-Cava អភិបាលក្រុង Miami-Dade បានឲ្យដឹងថា ចំនួនមនុស្សដែលត្រូវបានគេរកឃើញនៅពេលនេះមានចំនួន១០២នាក់ ខណៈដែល៩៩ នាក់ នៅតែមិនទាន់រាប់បញ្ចូលនៅឡើយនោះទេ។ គេនៅមិនទាន់ដឹងថាមានមនុស្សប៉ុន្មាននាក់នៅក្នុងអគារនោះទេ។ ចំពោះមូលហេតុនៃការដួលរលំនៅក្នុងបរិវេណនោះនៅតែមិនទាន់ដឹងច្បាស់នោះទេ។
ប្លុកនៅទីប្រជុំជន Surfside ត្រូវបានសាងសង់ក្នុងឆ្នាំ១៩៨០។
ក្រុមមន្រ្តីបាននិយាយថា ក្រុមអ្នកជួយសង្គ្រោះបានទាញមនុស្សចំនួន ៣៥ នាក់ចេញពីបំណែកនៃអគារ។ មនុស្ស១០នាក់ត្រូវបានគេត្រូវបានបញ្ជូនទៅមន្ទីរពេទ្យ។
ក្រុមស្វែងរកនិងជួយសង្គ្រោះកំពុងធ្វើការពីកន្លែងចំណោតរថយន្តនៅពីក្រោមកម្ទេចកម្ទី ខណៈដែលពួកគេបានរុករកនៅក្រោមកម្ទេចថ្មសម្រាប់អ្នកនៅរស់៕
ប្រភព៖ BBC ប្រែសម្រួល៖ នង ណារិន
