អន្តរជាតិ​៖ សារព័ត៌មាន Channel News Asia បានចេញផ្សាយនៅថ្ងៃទី២៨ ខែមិថុនា ឆ្នាំ២០២១ បានឲ្យដឹងថា កាលពីថ្ងៃអាទិត្យ (២៧ មិថុនា) ពលករចំណាកស្រុករាប់ពាន់នាក់បានភៀសខ្លួនចេញ ពីរដ្ឋធានីបង់ក្លាដែស នៅមុនថ្ងៃនៃការបិទខ្ទប់រឹតបន្តឹង​ដែលនឹងកាត់បន្ថយសកម្មភាពសេដ្ឋកិច្ច និង​ឱ្យប្រជាជនរស់នៅក្នុងផ្ទះរបស់ពួកគេ ដោយសារការឆ្លងជំងឺកូវីដ១៩​។

ការរឹតត្បិតលើសកម្មភាពនិងចលនាបានកើតឡើងតាំងពីពាក់កណ្តាលខែមេសា នៅពេលដែលករណីឆ្លងនិងការស្លាប់បានហក់លោតឡើងខ្លាំង។

ក្រសួងសុខាភិបាល បាននិយាយថា ការឆ្លងបានធ្លាក់ចុះនៅក្នុងខែឧសភា ប៉ុន្តែបានចាប់ផ្តើមកើនឡើងម្តងទៀតក្នុងខែនេះ ដោយមានករណីប្រចាំថ្ងៃជាង ៦.០០០​ករណី នេះបើយោងតាមក្រសួងសុខាភិបាលដែលជាចំនួនខ្ពស់បំផុតក្នុងរយៈពេលជាងពីរខែ។

ការលេចចេញជាថ្មីនេះ បានជំរុញឱ្យរដ្ឋាភិបាលរឹតបន្តឹងការរឹតត្បិតជាបន្តបន្ទាប់ចាប់ពីថ្ងៃច័ន្ទ ដោយសកម្មភាពសេដ្ឋកិច្ច - រួមមានហាងផ្សារ ដឹកជញ្ជូន និងការិយាល័យត្រូវបិទទ្វារត្រឹមថ្ងៃព្រហស្បតិ៍។

ប្រជាជននឹងត្រូវបានបញ្ជាឱ្យស្នាក់នៅផ្ទះ ខណៈពេលដែលមានតែសេវាកម្មបន្ទាន់ និងរោងចក្រ ដែលផ្តោតលើការនាំចេញបន្តប្រតិបត្តិការ។ ការបិទនាពេលខាងមុខបានធ្វើឱ្យមានការជម្លៀសចេញពីទីក្រុងដាកា។

លោក Mohammad Reza អធិការរងប៉ូលីសបានមានប្រសាសន៍ថា« យើងមិនចង់ឲ្យ​ពួកគេ មានការលិចសាឡាងនេះទេ ប៉ុន្តែពួកគេមិនស្តាប់ទេ»។«មានការប្រញាប់ប្រញាល់របស់មនុស្ស»។

មន្ត្រីជាន់ខ្ពស់នៃសាជីវកម្មដឹកជញ្ជូនទឹកសាបបង់ក្លាដែស គ្រប់គ្រងដោយរដ្ឋ បានប្រាប់ AFP ថា យ៉ាងហោចណាស់មានមនុស្ស​៥​ម៉ឺននាក់បានឆ្លងទន្លេដោយសាឡាងកាលពីថ្ងៃអាទិត្យ។

គួរបញ្ជាក់ថា ប្រទេសបង់ក្លាដែស បានរាយការណ៍ថា មានអ្នកឆ្លងច្រើនជាង ៨៨០,០០០​នាក់ ហើយគ្រាន់តែជាង​១៤.០០០ នាក់បានស្លាប់ដោយសារវីរុសកូវីដ១៩ ប៉ុន្តែអ្នកជំនាញនិយាយថា ចំនួនពិតប្រាកដអាចមានច្រើនជាងនេះ ដោយសារការរាយការណ៍មិនត្រឹមត្រូវ៕

ប្រភព៖ Channel News Asia ប្រែសម្រួល៖ នង  ណារិន