អន្តរជាតិ៖ សារព័ត៌មាន Bangkok Post បានចេញផ្សាយនៅថ្ងៃទី០៤ ខែកក្កដា ឆ្នាំ២០២១ បានឲ្យដឹងថា ក្រុមអ្នកវិទ្យាសាស្ត្រហ្វីលីពីន បានព្រមានកាលពីថ្ងៃអាទិត្យថា ភ្នំភ្លើងមួយនៅភាគខាងត្បូងនៃទីក្រុងម៉ានីល អាចផ្ទុះឡើងម្តងទៀត នៅពេល ដែលការបំភាយឧស្ម័នពុល បានកើនឡើងដល់កំរិតខ្ពស់ ហើយប្រជាជនរាប់ពាន់នាក់ទៀត នៅក្នុងសហគមន៍ងាយរងគ្រោះ បានចាកចេញពីផ្ទះរបស់ពួកគេ។

ភ្នំភ្លើងតាលដែលស្ថិតនៅក្នុងបឹងដ៏ស្រស់ស្អាតមួយនេះបានបញ្ចេញផ្សែងស៊ុលផួឌីអុកស៊ីតអស់រយៈពេលមួយសប្តាហ៍មកហើយ ដែលបង្កើតជាអ័ព្ទនៅលើទីក្រុងម៉ានីលនិងខេត្តជុំវិញជាច្រើននិងព្រមានដល់សុខភាព។

ទីភ្នាក់ងារគ្រោះមហន្តរាយខេត្តបាននិយាយកាលពីថ្ងៃអាទិត្យថា មនុស្សជិត ៤.៥០០ នាក់បានចាកចេញពីផ្ទះសម្បែងរបស់ពួកគេ ចាប់តាំងពីអាជ្ញាធរ បានអំពាវនាវឱ្យមានការជម្លៀសចេញពីតំបន់ ដែលមានហានិភ័យខ្ពស់នៅច្រាំងបឹង។

វិទ្យាស្ថានហ្វីលីពីនផ្នែកភ្នំភ្លើងនិងការរញ្ជួយដី បាននិយាយនៅក្នុងសេចក្តីថ្លែងការណ៍មួយថា« ការផ្ទុះស្រដៀងនឹងព្រឹត្តិការណ៍ថ្ងៃទី ១ ខែកក្កដាឆ្នាំ ២០២១ អាចនឹងកើតឡើងក្នុងពេលឆាប់ៗនេះ»។

ភ្នំភ្លើងតាលដែលស្ថិតនៅចម្ងាយ ៥០ គីឡូម៉ែត្រខាងត្បូងទីក្រុងម៉ានីល បានផ្ទុះឡើង កាលពីថ្ងៃព្រហស្បតិ៍សប្តាហ៍មុន ដោយបានបញ្ចោញកម្អែល ចំហាយនិងថ្មជាច្រើនរយម៉ែត្រទៅលើមេឃ។ វាបានជំរុញឱ្យទីភ្នាក់ងាររញ្ជួយផែនដី បង្កើនកម្រិតប្រកាសអាសន្នពីពីរទៅបី។

ការផ្ទុះចុងក្រោយនៅទីនោះក្នុងខែមករាឆ្នាំ ២០២០ បានជះផេះកម្ពស់ ១៥ គីឡូម៉ែត្រ និងបង្កជាកក ក្តៅក្រហែងកម្ទេច ប៉ះពាន់ផ្ទះជាច្រើន សម្លាប់សត្វចិញ្ចឹមនិងជម្លៀ ស មនុស្សជាង ១៣៥,០០០ នាក់ទៅក្នុងជម្រកមានសុវត្ថិភាព។

ភ្នំភ្លើងតាលជាភ្នំភ្លើងសកម្មបំផុតមួយនៅក្នុងប្រទេស ដែលរងការវាយប្រហារដោយការផ្ទុះនិងការរញ្ជួយដីជាញឹកញាប់ ដោយសារតែទីតាំងរបស់វាស្ថិតនៅលើមហាសមុទ្រប៉ាស៊ីហ្វិកដែលជាតំបន់នៃសកម្មភាពរញ្ជួយខ្លាំង៕

ប្រភព៖ Bangkok Post ប្រែសម្រួល៖ នង ណារិន