នៅថ្ងៃអាទិត្យ ទី១៨ ខែកក្កដា ឆ្នាំ២០២១នេះ ក្រុមការងារភេសជ្ជៈប៉ូវកម្លាំងមីស៊ីល បានប្រគល់រង្វាន់ ម៉ូតូZoomerX០២គ្រឿង បន្ថែមទៀតដល់អ្នកឈ្នះរង្វាន់មកពីខេត្តកំពង់ស្ពឺ។

អតិថិជនមានសំណាងឈ្នះរង្វាន់ម៉ូតូZoomerXពីមីស៊ីលទាំងពីរនាក់នៅថ្ងៃនេះរួមមាន៖

ទី១៖មានឈ្មោះ កយ សាវ ភេទស្រី អាយុ៣៣ឆ្នាំ មុខរបរជាកសិករ មានទីលំនៅ នៅឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ។ គាត់ទិញភេសជ្ជៈប៉ូវកម្លាំងមីស៊ីលតែ០២កំប៉ុងប៉ុណ្ណោះ ក៏ត្រូវបានរង្វាន់ម៉ូតូ០១គ្រឿងនេះតែម្តង។

បងស្រីសាវ បានរៀបរាប់ដំណើរឿងថា ពេលនោះគាត់ធ្វើដំណើរទៅស្រែហើយបានទិញមីស៊ីល០១កំប៉ុងមកហូប ពេលគាស់មកក៏ត្រូវរង្វាន់បាន០១កំប៉ុងទៀត គាត់ក៏ដូររង្វាន់ជាមួយអ្នកលក់ ហើយពេលគាស់ហូបកំប៉ុងទី២នោះស្រាប់តែឃើញរូបម៉ូតូតែម្តង គាត់ត្រេកអរយ៉ាងខ្លាំងក៏ស្រែកប្រាប់គេឯងផ្អើលអស់ អ្នកទៅស្រែជាមួយគ្នា។

ទី២៖មានឈ្មោះ អ៊ូច ញ៉ុន ភេទប្រុស អាយុ៣៥ឆ្នាំ មុខរបរជាកសិករផងដែរ មានទីលំនៅ នៅឃុំកាត់ភ្លុក ស្រុកបរសេដ្ឋ ខេត្តកំពង់ស្ពឺ។ គាត់ទិញភេសជ្ជៈប៉ូវកម្លាំងមីស៊ីលតែ០១កំប៉ុងប៉ុណ្ណោះ ក៏ត្រូវបានរង្វាន់ម៉ូតូ០១គ្រឿងនេះនឹងគេដែរ។

បងញ៉ុន ប្រាប់ពីដំណើរឿងថា គាត់ត្រូវរង្វាន់នេះនៅពេលដែលគាត់ត្រឡប់ពីដកសន្ទូងឯថ្នាលវិញ គាត់បានទិញមីស៊ីល០១កំប៉ុងមកហូប ស្រាប់តែគាស់មកឃើញរូបម៉ូតូតែម្តង គាត់អររំភើបយ៉ាងខ្លាំងក៏ស្រែកប្រាប់អ្នកលក់ និងត្រឡប់ទៅប្រាប់ក្រុមគ្រួសារដែលនៅដកសន្ទូងវិញ ផ្អើលពេញស្រែហើយនាំគ្នាត្រឡប់មកភូមិដើម្បីទាក់ទងប្រាប់ទៅក្រុមហ៊ុន។

ចំណែកឯអ្នកលក់ភេសជ្ជៈប៉ូវកម្លាំងមីស៊ីលឱ្យអ្នកឈ្នះរង្វាន់ម៉ូតូZoomerXទាំងពីរនាក់ខាងលើនេះ ក៏ទទួល បានកាដូរលើកទឹកចិត្តជាភេសជ្ជៈប៉ូវកម្លាំងមីស៊ីល ម្នាក់ៗចំនួន៥០កេសផងដែរនោះគឺ បងប្រុស ឆឹម ជីវ័ន ជាអ្នកលក់ភេសជ្ជៈនៅឃុំត្រពាំងជោរ ស្រុកឱរ៉ាល់ និង បងស្រី ពេជ្រ វណ្ណា ជាអ្នកលក់ភេសជ្ជៈនៅស្រុកបរសេដ្ឋ ខេត្តកំពង់ស្ពឺ។

តំណាងក្រុមហ៊ុនភេសជ្ជៈប៉ូវកម្លាំងមីស៊ីល លោក នៅ កុសល់ បានសម្តែងការអបអរដល់អ្នកឈ្នះរង្វាន់ទាំងពីរនាក់នៅពេលនេះ ហើយបន្ថែមថាក្រុមហ៊ុនបន្តរកឃើញអតិថិជនឈ្នះរង្វាន់កាន់តែច្រើនឡើងៗជារៀងរាល់ថ្ងៃ។

លោកក៏សូមជូនពរឱ្យអតិថិជនទាំងអស់ដែលតែងតែគាំទ្រភេសជ្ជៈប៉ូវកម្លាំងមីស៊ីល មានសំណាងឈ្នះរង្វាន់ធំគ្រប់ៗគ្នា។

ភេសជ្ជៈប៉ូវកម្លាំងមីស៊ីល មានរង្វាន់ជាច្រើននៅក្រោមក្រវិលកំប៉ុងស្រាប់ ពិសេសរង្វាន់ជាលុយសុទ្ធ និង រង្វាន់ម៉ូតូ ZoomerXដ៏ច្រើនសន្ធឹកសន្ធាប់ ទៀត ៕​