រដ្ឋបាលខេត្តព្រះសីហនុ ៖ នៅព្រឹកថ្ងៃទី១៧ខែកញ្ញាឆ្នាំ២០២១បានចាប់ផ្ដើមបើកយុទ្ធនាការចាក់វ៉ាក់ សាំងកូវីដ-១៩ ជូនដល់កុមារ ដែលមានអាយុចាប់ពី ០៦ឆ្នាំ ដល់ក្រោម ១២ឆ្នាំ នៅទូទាំងខេត្តព្រះសីហនុ។
សូមជម្រាបថា ចំពោះខេត្តព្រះសីហនុ យុទ្ធនាការចាក់វ៉ាក់សាំងកូវីដ-១៩ ជូនដល់កុមារដែលមានអាយុចាប់ពី ០៦ឆ្នាំដល់ក្រោម ១២ឆ្នាំ ចាប់ផ្តើមពីថ្ងៃទី១៧ ខែកញ្ញា រហូតដល់ថ្ងៃទី២១ ខែកញ្ញា
ឆ្នាំ២០២១ នៅតាមទីតាំងដូចខាងក្រោម ៖
១-ក្រុងព្រះសីហនុ មាន ២ទីតាំង៖
- សាលាបឋមសិក្សាវិទ្យាល័យ ហ៊ុន សែន ឃ្លាំងលើ ស្ថិតនៅសង្កាត់លេខ១ ក្រុងព្រះសីហនុ។
- សាលាបឋមសិក្សា-អនុវិទ្យាល័យ តេជោសែន កម្មករ ស្ថិតនៅសង្កាត់លេខ៤ ក្រុងព្រះសីហនុ។
២. ក្រុងកោះរ៉ុង មាន ១ទីតាំង៖
- រីហ្សតបាកាស ស្ថិតនៅភូមិដើមថ្កូវ សង្កាត់កោះរ៉ុង ក្រុងកោះរ៉ុង។
៣. ស្រុកព្រៃនប់ មាន ៣ទីតាំង៖
- វិទ្យាល័យ ហ៊ុន សែន ស្មាច់ដែង ស្ថិតនៅភូមិស្មាច់ដែង ឃុំរាម ស្រុកព្រៃនប់។
- វត្តអូរចំណារ ស្ថិតនៅភូមិអូរចំណារ ឃុំអូរឧកញ៉ាហេង ស្រុកព្រៃនប់។
-អនុវិទ្យាល័យសំរុង ស្ថិតនៅភូមិសំរុងលើ ឃុំសំរុង ស្រុកព្រៃនប់។
៤.ស្រុកស្ទឹងហាវ មាន ១ទីតាំង៖
- វិទ្យាល័យស្ទឹងហាវ ស្ថិតនៅភូមិ ៣ ឃុំអូរត្រេះ ស្រុកស្ទឹងហាវ៕
