រាជធានីភ្នំពេញ ៖ រថយន្តព្រូសមួយគ្រឿង បានរេចង្កូតទៅបុករបាំងថ្ម ចែកទ្រូងផ្លូវ បណ្ដាលរងការខូចខាតយ៉ាងដំណំ និងខ្ទេចរថយន្តក្បាលខាងមុខយ៉ាងដំណំ កាលពីវេលាម៉ោង៧ យប់ ថ្ងៃទី៣០ ខែវិច្ឆិកា ឆ្នាំ២០២១ នៅតាមបណ្ដោយផ្លូវ២៨៩ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។

ប្រភពព័ត៌មានពីសមត្ថកិច្ចមូលដ្ឋានបានឲ្យដឹងថា មុនពេលកើតហេតុ គេបានឃើញរថយន្ត Toyota ព្រូស មួយគ្រឿង ពណ៌ស ដែលពាក់ស្លាកលេខ ភ្នំពេញ 2BA-7529 ធ្វើដំណើរក្នុងទិសដៅពីជើងទៅត្បូង ហើយមកចំណុចកើតហេតុ ក៏បានរេចង្កូតទៅបុកនឹងរបាំងថ្មចែកទ្រូងផ្លូវ បណ្ដាលឲ្យរងការខូចខាតយ៉ាងដំណំ សំណាងល្អណាស់គ្មាននរណាម្នាក់រងរបួសនោះទេ។

ក្រោយពេលកើតហេតុ សមត្ថកិច្ចជំនាញចរាចរណ៍របស់អធិការដ្ឋាននគរបាលខណ្ឌទួលគោក ក៏បានមកដល់បានធ្វើការវាស់វែង និងយករថយន្តព្រូស ខាងលើ យកទៅកាន់ស្នងការដ្ឋាននគរបាលរាជធានីភ្នំពេញ ដើម្បីរង់ចាំមកដោះស្រាយគ្នាទៅតាមផ្លូវច្បាប់បន្តទៀត ៕ Mrr Tra