រាជធានីភ្នំពេញ​​ ៖ បុរសម្នាក់ បើករថយន្ដស៊េរីទំនើបម៉ាក Jeep មួយគ្រឿង បានបុកគ្នាជាមួយរថយន្ដហាយឡែនឌ័រ មួយគ្រឿងទៀត បណ្ដាលឲ្យរងការខូចខាតទាំង២គ្រឿង បង្កការភ្ញាក់ផ្អើលកាលពីវេលាម៉ោង ១០យប់ ថ្ងៃទី៣ ខែធ្នូ ឆ្នាំ២០២១ នៅតាមបណ្តោយផ្លូវជាតិលេខ ៦អា ក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ ។

ប្រភពព័ត៌មានពីម្ចាស់រថយន្តហាយឡែនឌ័រ បានឲ្យដឹងថា មុនពេលកើតហេតុ គាត់បានបើករថយន្ត ហាយឡែនឌ័រ មួយគ្រឿង ពាក់ស្លាកលេខ ភ្នំពេញ 2BJ-6402 ធ្វើដំណើរតាមបណ្ដោយផ្លូវជាតិលេខ ៦អា មកដល់ចំណុចកើតហេតុ ក៏មានរថយន្តស៊េរីទំនើប មួយគ្រឿងម៉ាក Jeep ដែលពាក់ស្លាកលេខ កម្ពុជា NPS 9899 ក៏បានឆ្លងកាត់ផ្លូវជាតិលេខ៦ អា ក៏បានបុកគ្នាពេញមួយទំហឹង បណ្ដាលឲ្យរថយន្តទាំង២គ្រឿង រងការខូចខាតយ៉ាងដំណំ ។

ក្រោយពេលកើតហេតុ សមត្ថកិច្ចជំនាញចរាចរណ៍របស់អធិការដ្ឋាននគរបាលខណ្ឌជ្រោយចង្វា បានធ្វើការវាស់វែងនិងប្រគល់រថយន្តទាំង២គ្រឿង យកទៅរក្សាទុក ការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីរង់ចាំដោះស្រាយគ្នាតាមផ្លូវច្បាប់ ៕ Mrr Ka