ខេត្តព្រះសីហនុ ៖ អគ្គិភ័យមួយបានឆាបឆេះ ផ្ទះប្រជាពលរដ្ឋមួយខ្នង ខ្ទេចទាំងស្រុង កាលពីវេលាម៉ោង ៣រសៀល ថ្ងៃទី៣ ខែវិច្ឆិកា ឆ្នាំ២០២១ ចំណុច ភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ ។ នេះបើយោងតាមផេក នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ ។

សមត្ថកិច្ចបានឲ្យដឹងថា ករណីអគ្គីភ័យនេះ បានឆាបឆេះផ្ទះប្រជាពលរដ្ឋ ចំនួន ០១ខ្នង ខូចខាតផ្ទះមានទំហំ ៧ គុណ ១៤ ម៉ែត្រ សង់ខាងក្រោមថ្ម ខាងលើឈើ ប្រកស័ង្កសី (ទាំងស្រុង ) ដែលមានម្ចាស់ផ្ទះឈ្មោះ ឈន ចាន់ដារ៉ា ភេទ ប្រុស អាយុ ៤១ ឆ្នាំ ។ ចំណែក មូលហេតុ គឺបណ្តាល មក ពី ឆ្លងចរន្តអគ្គីសនី តែគ្មានអ្នកណា អ្នករងរបួសឡើយ ។

ភ្លាមនោះ សមត្ថកិច្ចបានប្រើប្រាស់រថយន្តអន្តរាគមន៍ពន្លត់ អគ្គិភ័យ ០១ គ្រឿង ប្រើប្រាស់ទឹកអស់ ០១ រថយន្ត ទៅរលត់ទៅវិញជាស្ថាពរ ៕