រាជធានីភ្នំពេញ ៖ រថយន្ដព្រូសមួយគ្រឿង បានរេចង្កូតទៅបុករង្វង់មូលអប្សរា បណ្ដាលឲ្យរងការខូចខាតយ៉ាងដំណំ កាលពីវេលាម៉ោង ១យប់ ត្រូវនឹងថ្ងៃទី៥ ខែវិច្ឆិកា ឆ្នាំ២០២១ នៅតាមបណ្ដោយផ្លូវ OCIC ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

ប្រភពព័ត៌មាន ពីសន្ដិសុខនៅក្នុង OCIC បានប្រាប់ក្រុមការងារ TVFB ឲ្យដឹងថា មុនពេលកើតហេតុ គេបានឃើញ ជនបរទេសម្នាក់ បើករថយន្តព្រូសមួយគ្រឿង ដែលពាក់ស្លាកលេខ ភ្នំពេញ 2BD-7873 បានបើកយ៉ាងលឿន មិនប្រយ័ត្ន បានរ៉េចង្កូតឡើងលើរង្វង់មូលអប្សរា បណ្ដាលឲ្យរងការខូចខាតយ៉ាងដំណំ ។

ក្រោយពេលកើតហេតុ សមត្ថកិច្ចមូលដ្ឋានបានទាក់ទងសមត្ថកិច្ចជំនាញចរាចរណ៍របស់អធិការដ្ឋាននគបាលខណ្ឌជ្រោយចង្វារ ចុះមកធ្វើការពិនិត្យ និងឲ្យភាគីម្ចាស់រថយន្ត យល់ព្រមសងសំណងទៅខាង OCIC ចំនួន១០០ដុល្លារ ដើម្បីបញ្ចប់រឿង ៕ Mrr Tra