រាជធានីភ្នំពេញ ៖ កម្លាំងនគរបាលប៉ុស្តិ៍ក្បាលកោះ នៃអធិការនគរបាលខណ្ឌច្បារអំពៅ បានសហការណ៍ ជាមួយកម្លាំងការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលរាជធានីភ្នំពេញ ធ្វើការឃាត់ខ្លួនជនសង្ស័យ៣នាក់ ដកហូតបានគ្រឿងញៀន១១កញ្ចប់ និងកាំភ្លើងK59 មួយដើម កាលពីវេលាម៉ោង ២និង៣០នាទីរសៀល ថ្ងៃទី៤ ខែធ្នូ ឆ្នាំ២០២១ នៅចំណុច ភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ។

សមត្ថកិច្ចបានប្រាប់ក្រុមការងារTVFB ឲ្យដឹងថា ការបង្ក្រាបនេះ គឺអនុវត្ត ចាប់តាមដីកា និងជួញដូររក្សាទុកដោយខុសច្បាប់នៃសារធាតុញៀន ព្រមទាំងប្រើប្រាស់អាវុធ ខុសច្បាប់ ដោយឃាត់ខ្លួនបានជនសង្ស័យរួមមាន ៖

១-ជនសង្ស័យឈ្មោះ ស៊ឹម ចិត្រា ភេទ ប្រុស អាយុ ៣៨ ឆ្នាំ ជនជាតិ ខ្មែរ សញ្ជាតិ ខ្មែរ មុខរបរ មិនពិតប្រាកដ មានដីកាចាប់ខ្លួនលេខ ៥៩០ ដចន ចុះថ្ងៃទី ៣០.០៨.២០១៨ ចេញដោយលោក តុប ឈុនហេង ចៅក្រមស៊ើបសួរនៃសាលាដំបូងរាជធានីភ្នំពេញ ។

២. ជនសង្ស័យឈ្មោះ អ៊ឹម សុវិចិត្រ ភេទ ប្រុស អាយុ ៣៥ ឆ្នាំ ជនជាតិ ខ្មែរ សញ្ជាតិ ខ្មែរ មុខរបរ មិនពិតប្រាកដ។

៣. ជនសង្ស័យឈ្មោះ ខាត់ ឧត្តម ភេទ ប្រុស អាយុ ២៨ ឆ្នាំ ជនជាតិ ខ្មែរ សញ្ជាតិ ខ្មែរ មុខរបរ មិនពិតប្រាកដ។

ជនសង្ស័យទាំង ០៣ នាក់ ស្នាក់នៅភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ។

ក្នុងនោះសមត្ថកិច្ចដកហូតបាន ៖

- ក្រាមពណ៍សថ្លា ១១ កញ្ចប់ថង់តូច។

- អាវុធខ្លី ០១ ដើម ម៉ាក់ កា៥៩ (K 59) លេខ ៧៦៧៦ បង់ចំនួន ០១ និង គ្រាប់ចំនួន ០២គ្រាប់។

បច្ចុប្បន្នជនសង្ស័យទាំង ៣នាក់ខាងលើ ត្រូវបានអធិការដ្ឋាននគរបាលច្បារអំពៅ ដើម្បីឃាត់ខ្លួនបណ្តោះអាសន្ន និងកសាងសំណុំរឿងបញ្ជូនខ្លួនទៅកាន់ តុលាការ ដើម្បីចាត់ការតាមច្បាប់ ៕ មេសា