រាជធានីភ្នំពេញ ៖ បុរសម្នាក់ បើករថយន្ដស៊េរីទំនើប Luxes 570 Kuro មួយគ្រឿង បានទៅបុកចូលកន្លែងលក់រថយន្ដ បណ្ដាលអោយរងការខូចខាត សំណាងល្អគ្មានអ្នកណាម្នាក់ រងរបួសឡើយ បណ្តាលឲ្យរងការខូចខាតតែប៉ុណ្ណោះ កាលពីវេលាម៉ោង ១១យប់ ថ្ងៃទី១១ ខែធ្នូ ឆ្នាំ២០២១ នៅចំណុចផ្លូវ OCIC សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។

ប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ដស៊េរីទំនើប Luxes 570 Kuro ដែលពាក់ស្លាកលេខ ភ្នំពេញ 2BK-3585 យ៉ាងលឿនមិនប្រយ័ត្ន បានទៅបុករង្វង់មូលអប្សរា មិនទាន់អស់ល្បឿនក៏បន្តទៅបុកចូលកន្លែងលក់រថយន្ដគេបន្ថែមទៀត បណ្ដាលឲ្យរងការខូចខាតរថយន្ដនិងទ្វាដែករបស់ហាងលក់រថយន្ដនោះ យ៉ាងដំណំ ។

ក្រោយពេលកើតហេតុ ម្ចាស់រថយន្ដ Luxes 570 Kuro ខាងលើបានចុះមកសងសំណងដល់ខាងម្ចាស់ហាងលក់រថយន្ដខាងលើ រួចក៏បើករថយន្តទៅបាត់តែម្តង ៕ Mrr Ka