រាជធានីភ្នំពេញ ៖ បុរសម្នាក់បើក រថយន្តស៊េរីទំនើប Alphard មួយគ្រឿង បានរេចង្កូតបុកចូលក្នុងផ្សាររាត្រី បណ្ដាលឲ្យរថយន្តគាបជាប់ដើមឈើ រងការខូចខាតយ៉ាងដំណំ កាលពីវេលាម៉ោង៣យប់ ថ្ងៃទី១៤ ខែធ្នូ ឆ្នាំ២០២១ នៅតាមបណ្ដោយផ្លូវព្រះស៊ីសុវត្ថិ ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។

ប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញរថយន្តស៊េរីទំនើប មួយគ្រឿង ម៉ាកAlphard ដែលពាក់ស្លាកលេខ ភ្នំពេញ 2BA-3566 បានរេចង្កូតទៅបុកក្នុងផ្សាររាត្រី បណ្ដាលឲ្យរថយន្តខ្ទេចមួយកំណាត់ខាងមុខ គាបជាប់នឹងដើមឈើ រងការខូចខាតយ៉ាងដំណំ។

ក្រោយពេលកើតហេតុ ម្ចាស់រថយន្តស៊េរីទំនើបរូបនោះ ក៏បានសងសំណងថ្លៃខូចខាតទៅឲ្យម្ចាស់ផ្សាររាត្រី ដើម្បីបញ្ចប់រឿងនៅនឹងកន្លែងកើតហេតុតែម្តង៕ Mrr Ka