ខេត្តកណ្តាល​ ៖ មានករណីអគ្គិភ័យ មួយ បានឆាបឆេះ រថយន្ត ចំនួន ០១គ្រឿង ចំណុចភូមិចំការស្លែង ឃុំព្រៃពួច ស្រុកអង្គស្នួល ខេត្តកណ្តាល យាងសន្ធោសន្ធៅ កាលពីវេលាម៉ោង២ និង២៥នាទី រសៀលថ្ងៃទី១២ ខែធ្នូ ឆ្នាំ២០២១ នៅចំណុចភូមិចំការស្លែង ឃុំព្រៃពួច ស្រុកអង្គស្នួល ខេត្តកណ្តាល ។ នេះបើយោងតាមផេក នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ ។

សមត្ថកិច្ចបានឲ្យដឹងថា អគ្គិភ័យបានកើត ឡើងបណ្តាលឲ្យឆេះរថយន្តប្រជាពលរដ្ឋចំនួន០១គ្រឿង ប្រភេទ ហាយឡេនឌ័រពណ៌ស ឆ្នាំ២០០៣ ពាក់ស្លាកលេខ ភ្នំពេញ 2N-6067 បណ្តាលឲ្យឆេះខូចខាតស្ទើរតែទាំងស្រុង តែមិនបណ្តាលឲ្យគ្រោះថ្នាក់ ដល់មនុស្សទេ ។

ចំណែក មូលហេតុ សមត្ថកិច្ចបញ្ជាក់ថា បណ្តាល មក ពី ឆ្លងប្រព័ន្ធចរន្តអគ្គិសនី ភ្លាមៗសមត្ថកិច្ចបានប្រើប្រាស់ រថយន្តអគ្គីភ័យចំនួន០២គ្រឿង របស់ស្រុកអង្គស្នួលបានចេញអន្តរាគមន៍ទាន់ពេលវេលា មិនបណ្តាលអោយរាលដាលឡើយ ដោយប្រើប្រាស់ទឹកអស់ចំនួន ០១ រថយន្ត ស្មើនិង ៩៦០លីត្រ រទើបលត់ជាស្ថាពរនៅវេលាម៉ោង ៣និង៥នាទីរសៀល ថ្ងៃ ខែ ឆ្នាំ ដដែល ៕