នៅថ្ងៃអាទិត្យ ទី១២ ខែធ្នូ ឆ្នាំ២០២១នេះ ក្រុមការងារភេសជ្ជៈប៉ូវកម្លាំងមីស៊ីល បានប្រគល់រង្វាន់ ម៉ូតូហុងដាឌ្រីម០១គ្រឿងបន្ថែមទៀតដល់អ្នកឈ្នះរង្វាន់ដែលជាកម្មកររោងចក្រឃ្យូអែនថេក នៅស្រុកឧត្តុង្គ ខេត្តកំពង់ស្ពឺ។

អតិថិជនមានសំណាងឈ្នះរង្វាន់ម៉ូតូHonda Dreamពីមីស៊ីល ពេលនេះមានឈ្មោះ ស៊្រី សំនៀង ភេទប្រុស អាយុ២២ឆ្នាំ មុខរបរជាកម្មកររោងចក្រ ស្នាក់នៅឃុំដំណាក់រាំង ស្រុកឧត្តុង្គ ខេត្តកំពង់ស្ពឺ។ ថ្ងៃនោះពេលចប់ម៉ោងការងារ ប្អូនមានកម្មវិធីបន្តិចបន្តួចជាមួយមិត្តភក្រ ពេលនោះម៉ោង៩យប់ទៅហើយដោយសាររាងស្រវឹងខ្លះៗផង ប្អូនក៏បានទិញមីស៊ីល០១កំប៉ុងពីមុខរោងចក្រមកហូប ពេលគាស់មកមើលក្រវិលកំប៉ុងស្រាប់តែឃើញរូបម៉ូតូ ធ្វើឱ្យប្អូនស្វាងចែស ក៏ទូរស័ព្ទសួរអ្នកលក់ និង ស្រែកប្រាប់គេឯង ធ្វើឱ្យផ្អើលកម្មករផ្សេងៗជួយមើលពេញកន្លែងស្នាក់នៅតែម្តង។

ចំណែកឯអ្នកលក់ភេសជ្ជៈប៉ូវកម្លាំងមីស៊ីលឱ្យអ្នកឈ្នះរង្វាន់ម៉ូតូHonda Dreamខាងលើ ក៏ ទទួលបានកាដូ លើកទឹកចិត្តជាភេសជ្ជៈប៉ូវកម្លាំងមីស៊ីលចំនួន៥០កេសផងដែរ គឺប្អូនស្រី ភន ស៊ីយ៉េត ជាអ្នកលក់ភេសជ្ជៈនៅភូមិដំណាក់ថ្លុង ឃុំដំណាក់រាំង ទល់មុខរោងចក្រឃ្យូអែនថេក។

តំណាងក្រុមហ៊ុនភេសជ្ជៈប៉ូវកម្លាំងមីស៊ីល លោក នៅ កុសល់ បានសម្តែងការអបអរដល់អ្នកឈ្នះរង្វាន់ម៉ូតូពីមីស៊ីលនៅពេលនេះ ហើយបន្ថែមថារង្វាន់ម៉ូតូHonda Dream និង លុយសុទ្ធ៥០លានរៀលនៅមានច្រើនទៀតក្រោមក្រវិលកំប៉ុងមីស៊ីលកំពុងរង់ចាំអ្នកមានសំណាង។ លោកក៏បានជូនពរឱ្យអតិថិជនទាំងអស់ដែលតែងតែគាំទ្រភេសជ្ជៈប៉ូវកម្លាំងមីស៊ីល មានសំណាងឈ្នះរង្វាន់ធំគ្រប់ៗគ្នា។