រាជធានីភ្នំពេញ ៖ បុរសម្នាក់បើក រថយន្ដមួយគ្រឿង បានទៅបុកបង្គោលភ្លើង បណ្ដាលអោយរថយន្ដរងការខូចខាតយ៉ាងដំណំ កាលពីវេលាម៉ោង ១២យប់ ថ្ងៃទី ១៧ ខែធ្នូ ឆ្នាំ២០២១ នៅតាមបណ្ដោយផ្លូវវេងស្រេង ក្នុងសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។

ប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុ គេបានឃើញបុរសម្នាក់ បានជិះរថយន្តហាយឡែនឌ័រ មួយគ្រឿង ដែលពាក់ស្លាកលេខ កំពង់ស្ពឺ 2A-1803 ធ្វើដំណើរតាមបណ្ដោយផ្លូវវ៉េងស្រេង មកដល់ចំណុចផ្លូវកោង ក៏បានរេចង្កូតទៅបុកនឹងខឿនថ្មចែកទ្រូងផ្លូវ បន្តទៅបុកបង្គោលភ្លើង បណ្តាលឲ្យរងការខូចខាតយ៉ាងដំណំ សំណាងល្អមគ្មានអ្នកណារងរបួសនោះទេ។

ក្រោយពេលកើតហេតុ សមត្ថកិច្ចជំនាញចរាចរណ៍របស់អធិការនគរបាលខណ្ឌពោធិ៍សែនជ័យ បានទំនាក់ទំនងឲ្យសមត្ថកិច្ចជំនាញចរាចរណ៍របស់ស្នងការដ្ឋាននគរបាលរាជធានីភ្នំពេញ ធ្វើការស្ទូចរថយន្តយកទៅរក្សាទុក នៅស្នងការចរាចរណ៍ផ្លូវគោក ដើម្បីរង់ចាំម្ចាស់ចូលមកដោះស្រាយតាមផ្លូវច្បាប់ បន្តទៀត ៕ Mrr Tra