រាជធានីភ្នំពេញ ៖ កម្លាំងប៉ុស្តិ៍នគរបាលរដ្ឋបាល ចោមចៅទី១ ឃាត់ខ្លួនជនសង្ស័យម្នាក់ ពាក់ព័ន្ធករណីរំលោភលើទំនុកចិត្ត (យកម៉ូតូទៅបញ្ចាំ)
នៅថ្ងៃទី១៥ ខែធ្នូ ឆ្នាំ២០២១ នៅចំណុចភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ នេះបើយោងតាមផេក ស្នងការដ្ឋានគរបាលរាជធានីភ្នំពេញ ។
សមត្ថកិច្ចបានឲ្យដឹងថា ជនរងគ្រោះឈ្មោះ សូត្រ សុវណ្ណរ័ត្ន ភេទប្រុស អាយុ២៩ឆ្នំា មុខរបរ លក់ដូរ ស្នាក់នៅភូមិបូរី១០០ខ្នង សង្កាត់ទឹកថ្លា ខណ្ឌសែនសុខ។ ចំណែក ជនសង្ស័យឈ្មោះ នេត រ៉ានី ភេទប្រុស អាយុ២៨ឆ្នំា មុខរបរ មិនពិតប្រាកដ ស្នាក់នៅបន្ទប់ជួល ភូមិទ្រា សង្កាត់ស្ទឹងមានជ័យ៣ ខណ្ឌមានជ័យ។
ក្នុងនោះសមត្ថកិច្ចក៏ដកហូតបាន ម៉ូតូម៉ាកហុងដា Zoomer-X ពណ៌ខ្មៅ ពាក់ស្លាកលេខ ភ្នំពេញ 1GP 0097 ចំនួន១គ្រឿងផងដែរ។
បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាល ខណ្ឌពោធិ៍សែនជ័យ ដើម្បីកសាងសំណុំរឿងចាត់ការបន្តតាមនីតិវិធី៕
