ខេត្តបាត់ដំបង ៖ កម្លាំង នគរបាល ការិយាល័យ ព្រហ្មទណ្ឌ កំរិត ស្រាល សហការ ជាមួយ ការិយាល័យ នគរបាល ព្រហ្មទណ្ឌ កំរិត ធ្ងន់ បាន ចុះ ប្រតិបត្តិការ បង្ក្រាប និងឃាត់ខ្លួនជនសង្ស័យម្នាក់ ពាក់ព័ន្ធ ករណី លួច រថយន្ត កាលពីវេលា ម៉ោង ៨ និង ៤០ នាទីយប់ ថ្ងៃ ១៥ ខែធ្នូ ឆ្នាំ ២០២១ ត្រង់ ចំណុច ភូមិ ពុកឆ្មា ឃុំ អន្លង់ វិល ស្រុក សង្កែ ខេត្តបាត់ដំបង ។ នេះបើយោងតាមផេក អគ្គស្នងការដ្ឋាននគរបាលជាតិ ។

សមត្ថកិច្ច បានឲ្យដឹងថា ជនសង្ស័យដែលឃាត់ខ្លួនបានមាន ឈ្មោះ អឿ ន សា រិ ត ភេទ ប្រុស អាយុ ២២ ឆ្នាំ មាន ទីលំនៅ ភូមិ ព្រៃ ដំរី ឃុំ ព្រៃតូច ស្រុក មោងឫស្សី ខេត្តបាត់ដំបង និង ដកហូតវត្ថុតាង រថយន្ត ០១ គ្រឿង ម៉ាក ហ៊ី យ៉ាន់ ដាយ Hyundai ធុន ធំ ពណ៌ ស - លឿង ស៊េរី ឆ្នាំ ២០០២ ពាក់ ស្លាក លេខ ភ្នំពេញ 3F-1578 ។

សូមបញ្ជាក់ថា ជនសង្ស័យ ខាងលើ បាន ធ្វើ សកម្មភាព ឡើង បើករថយន្ត ខាងលើ ដែល ទុក នៅ កន្លែង លើក ស្រូវ ដោយ មាន សោរ នៅ ទីនោះ ស្រាប់ ទើប បើក មក តែ ម្ដង ព្រោះ ជនសង្ស័យ ជា មនុស្ស បែក ថ្នាំ ញៀន និង រវើរវាយ បាន លួច យក រថយន្ត របស់ ជន រង គ្រោះឈ្មោះ ទូច ដា រ៉ា ភេទ ប្រុស អាយុ ២២ ឆ្នាំ មាន ទីលំនៅ ភូមិ ពោធិ៍ ស្វាយមីង ឃុំ អំពិល តា ពត ស្រុក អូរ រាំង ឪ ខេត្តកំពង់ចាម ជិះ មក ក្រុង បាត់ដំបង ។

បច្ចុប្បន្ន ជនសង្ស័យខាងលើ ត្រូវបានសមត្ថកិច្ចកសាង សំណុំរឿង បញ្ជូនខ្លួន ទៅកាន់ សាលាដំបូង ខេត្ត ដើម្បី ចាត់ការ បន្ត តាម នីតិវិធី ច្បាប់។ ចំណែក រថយន្ត សមត្ថកិច្ច បាន ប្រគល់ ជូន ទៅ ម្ចាស់ វិញ ហើយ៕