រាជធានីភ្នំពេញ ៖ សាហាវមែន យកកាំភ្លើងបាញ់ហ្គាស បាញ់ប្រហារលើជនរងគ្រោះ សង្ស័យចង់ប្ល..ន់យកទ្រព្យសម្បត្តិ តែដល់ថ្ងៃស៊យ អស់លក្ខណ៍ ត្រូវបានក្រុមអ្នករត់ម៉ូតូកង់បីឥណ្ឌានៅម្ដុំនោះឃើញ នឹងជួយ ចា..ប់បានជនសង្ស័យ ២ នាក់ ផ្អើលដល់កម្លាំងសមត្ថកិច្ច ចុះអន្តរាគមន៍ភ្លាមៗ យកទៅកាន់អធិការដ្ឋាននគរបាលខណ្ឌពោធិ៍សែនជ័យទាំងយប់ កាលពីវេលាម៉ោង ២និង៣០នាទីយប់ រំលងអាធ្រាត្រ ឈានចូលថ្ងៃទី ១៨ ខែធ្នូ ឆ្នាំ ២០២១ នេះ ដែលស្ថិតនៅតាមបណ្ដោយផ្លូវសហព័ន្ធរុស្ស៊ីជិតព្រលានយន្តហោះ ក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។

តាមសម្ដីរបស់ជនរងគ្រោះប្រុសស្រីដែលមានគ្នា ៥ នាក់បានឲ្យដឹងថា ពួកគាត់បានជិះម៉ូតូចេញពីកម្សាន្តនៅក្លឹបមួយកន្លែង បំណងទៅផ្ទះវិញ ស្រាប់តែជិះមកដល់ចំណុច ផ្លូវសហព័ន្ឋរុស្ស៊ី ម្តុំរង្វង់មូលចោមចៅ ស្រាប់តែមានជនសង្ស័យ ៣នាក់ជិះម៉ូតូម៉ាកហុងដាឌ្រីមសេ១២៥ ជិះដេញតាមមក និងបានដក កាំភ្លើងខ្លី បាញ់ប្រហារមកពួកគាត់ តែពេលនោះ ពួកគេដឹងថា កាំភ្លើងនោះមិនមែនកាំភ្លើងពិត គឺកាំភ្លើងបាញ់ហ្គាស ក៏ស្រែកអោយអ្នកនៅម្តុំនោះជួយ ផ្អើលក្រុមអ្នករត់ម៉ូតូកង់បីឥណ្ឌមកជួយ និងដេញចាប់ជនសង្ស័យនោះបាន២នាក់ ។ ចំណែកម្នាក់ទៀត រត់គេចពីកន្លែងកើតហេតុបានស្រមោល ។

បងប្រុសអ្នករត់ម៉ូតូកង់បីឥណ្ឌា ម្នាក់ សុំមិនបញ្ចេញមុខបានឱ្យដឹងថា មុនពេលកើតហេតុគាត់បានឃើញជនរងគ្រោះដែលមានគ្នា៥នាក់ស្រី ២នាក់និងប្រុស ៣ នាក់ បានជិះម៉ូតូ២គ្រឿង មួយគ្រឿងម៉ាកឌូក និងមួយគ្រឿងទៀតម៉ាកស៊ុយសាគីឡេត បានជិះធ្វើដំណើរតាមផ្លូវ ហើយក៏មានម៉ូតូម៉ាកហុងដាឌ្រីមមួយគ្រឿងជិះគ្នា៣នាក់ ជិះដេញតាមពីក្រោយ និងបានដកកាំភ្លើងបាញ់ ដោយគាត់បានឃើញមានកាំភ្លើង២ដើម បានដកមកបាញ់ លើក្រុមប្រុសស្រីទាំងនោះ ដោយឃើញបែបនេះនឹងបានឮក្រុមប្រុសស្រីទាំងនោះបានស្រែកជួយផង និងប្រាប់ថាកាំភ្លើងដែលជនសង្ស័យនោះបាញ់ជា កាំភ្លើងបាញ់ហ្គាសទេ សុំជួយផងឮ គ្រាន់តែលឺ បែបនេះពួកគាត់ ដែលជាក្រុមអ្នករត់ម៉ូតូកង់បី ក៏បានរត់ទៅជួយ ចាប់ជនសង្ស័យទាំងនេះបាន២នាក់ តែម្តង។

ភ្លាមៗកម្លាំងសមត្ថកិច្ចនៃអធិការដ្ឋាននគរបាលខណ្ឌពោធិ៍សែនជ័យ ក៏ចុះអន្តរាគមន៍ និងដាក់ខ្នោះយកជនសង្ស័យទាំង២នាក់ រួមទាំងដកហូតបានកាំភ្លើងបាញ់រះមួយដើម នៅកន្លែងកើតហេតុ រួមទាំងម៉ូតូមួយគ្រឿង និងនាំជនរងគ្រោះយកមកអធិការដ្ឋាននគរបាលខណ្ឌពោធិ៍សែនជ័យ ដើម្បីធ្វើការសាកសួរបន្ត ដាក់ពាក្យបណ្តឹង ដើម្បីកសាងសំណុំរឿងចាត់ការបន្តតាមនីតិវិធីច្បាប់ ផងដែរ ៕