ខេត្តត្បូងឃ្មុំ ៖ អគ្គិភ័យមួយបានឆាបឆេះផ្ទះប្រជាពលរដ្ឋយ៉ាងសន្ធោសន្ធៅ ខ្ទេចគ្មានសល់ ខណៈម្ចាស់មិនផ្ទះ បង្កការភ្ញាក់ផ្អើលយ៉ាងខ្លាំងកាលពីវេលាម៉ោង ១និង១៥នាទី យប់ ឈានចូលថ្ងៃទី១៨ ខែធ្នូ ឆ្នាំ២០២១ នៅចំណុចភូមិទួលការ ឃុំទួលស្នួល ស្រុកក្រូចឆ្មារ ខេត្តត្បូងឃ្មុំ ។ នេះបើយោងតាមផេក នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ ។

សមត្ថកិច្ចបានឲ្យដឹងថា អគ្គិភ័យនេះ បានឆេះផ្ទះចំនួន ០៣ខ្នង ទំហំ ៧X៩ ម៉ែត្រ ធ្វើពីឈើដំបូលប្រក់ក្បឿង ជញ្ជាំងឬស្សី ដែលមានម្ចាស់ឈ្មោះ មួយ សុភីន ភេទស្រី អាយុ៤៧ឆ្នាំ រស់នៅក្នុងភូមិខាងលើ ហើយការឆាបឆេះនេះ បណ្តាល មក ពី ទុស្សេខ្សែភ្លើង ខណៈម្ចាស់ពុំនៅផ្ទះ។

ក្នុងហេតុការណ៍ឆាបឆេះនេះ បានឆេះបំផ្លាញទ្រព្យសម្បត្តិនិងសម្ភារៈរួមមាន ៖

- ឆេះប្លង់ដីចំនួន២ ប្លង់

- ទូរសម្រាប់ដាក់ខោអាវចំនួន ០១

- ស្រូវចំនួន ២០ បេ

- អង្ករចំនួន ៨០ គីឡូ ក្រាម

- កង់ ចំនួន ០១

- ម៉ូតូម៉ាកសង់កូរ៉េ ចំនួន ០១

- គ្រែចំនួន ០១

មិនតែប៉ុណ្ណោះ អគ្គិភ័យនេះ បានឆេះរាលទៅផ្ទះឈ្មោះ ធិន សុឃន់ ភេទ ស្រី អាយុ៤៨ឆ្នាំ ធ្វើពីឈើដំបូលប្រក់ដែក អស់ជញ្ជាំងផ្ទះមួយចំហៀង ប្រើប្រាស់អស់ទឹកចំនួន ០១ រថយន្ត ស្មើនឹង ០៦ម៉ែត្រគូប ផងដែរ ៕