រាជធានីភ្នំពេញ ៖ អគ្គិភ័យមួយបានឆាបឆេះរោងស្នាក់នៅ របស់កម្មករសំណង់ បុរី ប៉េងហួត បឹងស្នោរ យ៉ាងសន្ធោសន្ធៅ បង្ករអោយមានការភ្ញាក់ផ្អើលយ៉ាងខ្លាំងដល់បងប្ងូនប្រជាពលរដ្ឋ និងសមត្ថកិច្ច ចុះមកធ្វើអន្តរាគមន៍បាញ់ទឹកពន្លត់ កាលពីវេលាម៉ោង០១ និ ៤០នាទីថ្ងៃត្រង់ថ្ងៃទី២១ ខែធ្នូ ឆ្នាំ២០២១ នៅត្រង់ចំណុចរោងស្នាក់នៅបុរីប៉េងហួតបឹងស្នោរ ក្នុងសង្កាត់វាលស្បូវ ខណ្ឌច្បារអំពៅ រាជធានីភ្នំពេញ។

តាមប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុ ក្រុមកម្មករសំណង់នាំគ្នាចេញទៅធ្វើការងារអស់ គ្មានអ្នកនៅនោះទេ ស្រាប់តែមានអណ្តាតភ្លើងឆាបឆេះឡើងសន្ធោសន្ធៅ និងមានផ្សែងខ្មៅហុយទ្រលោម ខ្មៅក្មួរខ្មាញ់ឡើងលើអាកាស ហើយភ្លាម បង្ករឲ្យមានការភ្ញាក់ផ្អើលទៅដល់កម្លាំងមានសម្ថកិច្ចមូលដ្ឋាន រថយន្តពន្លត់អគ្គិភ័យរបស់បុរី ប៉េង ហួត រថយន្តរបស់ការរបស់ការិយាល័យបង្ការ និងពន្លត់អគ្គីភ័យនៃស្នងការនគរបាលរាជធានីភ្នំពេញ និងក្រសួងមហាផ្ទៃ ជាច្រើនគ្រឿងចុះមកជួយធ្វើអន្តរាគមន៍បាញ់ទឹកពន្លត់ផងដែរ។

ពាក់ពន្ធ័ទៅនឹងករណីឆេះរោងស្នាក់នៅរបស់កម្មករបុរី ប៉េង ហួត បឹងស្នោរ នេះដែរ សង្ស័យកើតឡើងដោយសារការឆ្លងចរន្តអគ្គិសនី ទើបបង្កអោយមានការភ្ញាក់ផ្អើលយ៉ាងខ្លាំង ទៅដល់កម្លាំងមានសមត្ថកិច្ចមូលដ្ឋាន និងរថយន្តពន្លត់អគ្កិភ័យជាច្រើនគ្រឿង ចុះមកជួយអន្តរាគមន៍បាញ់ទឹកបានទាន់ពេលវេលា៕ មេសា