រាជធានីភ្នំពេញ៖ កម្លាំងផ្នែកគ្រឿងញៀន សហកាជាមួយកម្លាំងប៉ុស្តិ៍នគរបាលដង្កោ បានឃាត់ខ្លួនជនសង្ស័យម្នាក់ កាលពីវេលាម៉ោង៤និង២០នាទី ថ្ងៃទី២៧ ខែធ្នូ ឆ្នាំ២០២១ នៅចំណុចដីឡូត៍គ្មានលេខ ផ្លូវបេតុង ក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។

លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ បានឲ្យដឹងថា ជនសង្ស័យដែលឃាត់ខ្លួនបាននេះ មានឈ្មោះ ខាំ ស៊ីវេង ភេទប្រុស អាយុ៣៨ឆ្នាំ មុខរបរមិនពិតប្រាកដ ស្នាក់នៅដីឡូត៍គ្មានលេខស្ថិតនៅភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ។

ក្នុងនោះសមត្ថកិច្ច ធ្វើការដកហូតបាន ក្រាមពណ៌សថ្លាចំនួន២៥កញ្ចប់ថង់ (ធំល្មមចំនួន០១កញ្ចប់ថង់,តូចចំនួន២៤ថង់), កូនកាបូបពណ៌ក្រហមចំនួន០១ ទុកនៅក្នុងហោប៉ៅខោចំហៀងខាងឆ្វេងរបស់ជនសង្ស័យ ។

បច្ចុប្បន្នជនសង្ស័យខាងលើ ត្រូវបានសមត្ថកិច្ចនគរបាលដង្កោ ធ្វើការសាកសួរ និងកសាងសំណុំរឿងបញ្ជូនខ្លួនទៅកាន់តុលាការ ចាត់ការតាមច្បាប់បន្តទៀត ៕មេសា