រាជធានីភ្នំពេញ ៖ រថយន្ដចំនួន៣គ្រឿង បានបុកប ន្តកន្ទុយគ្នា ពេញមួយទំហឹងជាបន្តបន្ទាប់ រងការខូចខាតយ៉ាងដំណំ កាលពីវេលាម៉ោង១០យប់ ថ្ងៃទី២៧ ខែធ្នូ ឆ្នាំ២០២១ នៅតាមបណ្ដោយផ្លូវព្រះនរោត្តម ក្នុងសង្កាត់ផ្សារថ្មី ខណ្ឌដូនពេញ រាជធានីភ្នំពេញ។

ប្រភពព័ត៌មានពីសមត្ថកិច្ច បានឲ្យដឹងថា មុនពេលកើតហេតុ គេបានឃើញរថយន្តព្រុស ពណ៌ស ១គ្រឿង ដែលពាក់ស្លាកលេខ ភ្នំពេញ 2BC-2925 ធ្វើដំណើរតាមបណ្ដោយផ្លូវព្រះនរោត្ដម ក្នុងទិសដៅពីត្បូងទៅជើង លុះមកដល់ចំណុចកើតហេតុ ក៏បានបុកគូទរថយន្ត RAV4 មួយគ្រឿង ដែលពាក់ស្លាកលេខ ភ្នំពេញ 2I-5426 ពីក្រោយ បណ្តាលឲ្យរថយន្ដRAV4នោះ បន្តទៅបុកនឹងរថយន្ត Ford មួយគ្រឿងទៀត ដែលពាក់ស្លាកលេខ ភ្នំពេញ 2BO-5657 បណ្ដាលឲ្យរថយន្ដទាំង ៣គ្រឿងខូចខាតយ៉ាងដំណំតែម្តង ។

ក្រោយពេលកើតហេតុ សមត្ថកិច្ចជំនាញចរាចរណ៍របស់អធិការដ្ឋាននគរបាលខណ្ឌដូនពេញ បានមកដល់បានឲ្យភាគីសងខាងដោះស្រាយគ្នាបញ្ចប់រឿង ដោយភាគីខាងរថយន្តព្រុស សងសំណងទៅឲ្យរថយន្តទាំង២គ្រឿង ដើម្បីបញ្ចប់គ្នាតែម្តង ៕ Mrr Ka