រាជធានីភ្នំពេញ ៖ រថយន្តចំនួន២គ្រឿង បានបុកគ្នាពេញមួយទំហឹង បណ្ដាលឲ្យរងការខូចខាតយ៉ាងដំណំ កាលពីវេលាម៉ោង ១០យប់ ថ្ងៃទី៣០ ខែធ្នូ ឆ្នាំ២០២១ នៅក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ ។

ប្រភពព័ត៌មានបានឲ្យដឹងថា មុនពេលកើតហេតុ គេបានឃើញរថយន្ត Masda មួយគ្រឿង និងរថយន្ដព្រូសមួយគ្រឿងទៀត បានបើកទន្ទឹមគ្នា តាមបណ្ដោយផ្លូវណាតប្រ៊ីជ លុះមកដល់ចំណុចកើតហេតុ ស្រាប់តែរថយន្តMazda ដែលពាក់ស្លាកលេខ ភ្នំពេញ 2BA-7379 បានបត់ឆ្លងផ្លូវតែក៏ត្រូវបាននារីម្នាក់ បើករថយន្ដព្រូស ដែលពាក់ស្លាកលេខ ភ្នំពេញ 2BF-5469 បុកចំពាក់កណ្ដាលរថយន្ដ តែម្តង បណ្ដាលអោយរងការខូចខាតយ៉ាងដំណំ តែសំណាងគ្មាននរណាម្នាក់ រងរបួសនោះទេ ។

បន្ទាប់ពីកើតហេតុភ្លាមៗ ភាគីទាំងខាងសង បានធ្វើការជជែកគ្នារកត្រូវរៀងខ្លួន ដោយសារតែចរចារគ្នាមិនត្រូវ ក៏ប្រគល់ឲ្យសមត្ថកិច្ចចរាចរណ៍ខណ្ឌសែនសុខ ធ្វើការវាស់វែង យកទៅរក្សាទុក នៅអធិការដ្ឋាននគរបាលខណ្ឌ ដើម្បីរង់ចាំដោះស្រាយគ្នាតាមច្បាប់បន្តទៀត ៕ Mrr Ka