រាជធានីភ្នំពេញ៖ រថយន្ដតាក់ស៊ី LM CAR មួយគ្រឿង កំពុងដឹកភ្ញៀវសុខៗ បានរេចង្កូតទៅបុកនឹងរបាំងថ្មពុះចែកទ្រូងផ្លូវ បណ្ដាលអោយរថយន្ដជាប់នឹងឃឿនផ្លូវ រងការខូចខាតយ៉ាងដំណំ កាលពីវេលាម៉ោង ៥ភ្លឺ ត្រូវនឹងថ្ងៃទី១ ខែមករា ឆ្នាំ២០២១ នៅចំណុចស្តុបBKC ក្នុងសង្កាត់ផ្សារថ្មី៣ ក្នុងខណ្ឌដូនពេញ រាជធានីភ្នំពេញ ។

ប្រភពព័ត៌មាន ពីបងប្អូនប្រជាពលរដ្ឋ បានអោយដឹងថា មុនពេលកើតហេតុ គេបានឃើញរថយន្ដ តាក់ស៊ី LM CAR ម៉ាកKIA KIA ដែលពាក់ស្លាកលេខ ភ្នំពេញ 2BH-2921 កំពុងដឹកភ្ញៀវម្នាក់ ក្នុងរថយន្ដបើកតាមបណ្ដោយផ្លូវក្រមួនស លុះដល់ចំណុចកើតហេតុ ស្រាប់តែរេចង្កូត ទៅបុកសួនពុះចែកផ្លូវទ្រូង បណ្ដាលអោយរថយន្ដរងការខូចខាតយ៉ាងដំណំតែម្តង ប៉ុន្តែសំណាងណាស់គ្មានអ្នករងរបួសនោះទេ ។

ក្រោយពេលកើតហេតុ សមត្ថកិច្ចក៏បានមកដល់ ស្ទូចយករថយន្ដខាងលើ ទៅរក្សាទុកនៅស្នងការដ្ឋាននគរបាលចរាចរណ៍ផ្លូវគោក ដើម្បីរង់ចាំម្ចាស់ចូលមកដោះស្រាយតាមផ្លូវច្បាប់បន្តទៀត ៕ Mrr Ka