រាជធានីភ្នំពេញ ៖ បុរសម្នាក់ កំពុងជិះម៉ូតូមួយគ្រឿងសុខៗ មិនដឹងជាមានរឿងអ្វី ស្រាប់តែដកកាំភ្លើងបាញ់ឡើងលើមេឃ ផ្ទួនៗគ្នាចំនួន៣គ្រាប់ រួចជិះម៉ូតូចេញទៅបាត់ ផ្អើលអស់បង្អូនប្រជាពលរដ្ឋដែលកំពុងសម្រាន្តលក់លង់ ភ្ញាក់ផ្អើលនិងប្រញាប់រាយការណ៍ជូនសមត្ថកិច្ចចុះមកពិនិត្យមើលសំបកគ្រាប់ ដល់ទីតាំងកើតហេតុ កាលពីវេលាម៉ោង ១រំលងអាធ្រាត្រ ឈានចូលថ្ងៃទី ៣ ខែកមរា ឆ្នាំ២០២២ នៅតាមបណ្ដោយផ្លូវ ២៦៥ ក្នុងសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ។

ប្រភពព័ត៌មានពីបងប្អូនប្រជាពលរដ្ឋបានអោយដឹងថា មុនពេលកើតហេតុ គេបានឃើញបុរសម្នាក់ ជិះម៉ូតូគ្រឿង មិនចាំម៉ាក និងស្លាកលេខនោះទេ បានជិះមកដល់ចំណុចកើតហេតុ មិនដឹងជាមានរឿងអ្វីនោះទេ ស្រាប់តែដក កាំភ្លើងបាញ់ឡើងលើមេឃចំនួន៣គ្រាប់ ផ្ទួនៗគ្នាតែម្តង រួចក៏ជិះម៉ូតូចេញទៅបាត់ សំនាងណាស់ក្នុងហេតុការណ៍នេះគ្មាននរណាម្នាក់ រងរបួសនោះទេ។

ក្រោយពេលកើតហេតុ សមត្ថកិច្ចក៏បានមកដល់ បានដើររើសសំបកគ្រាប់ដែលខា្មន់កាំភ្លើងនោះបាញ់ យកទៅស្រាវជ្រាវ ដើម្បីតាមចាប់ជនសង្ស័យ ជាខ្មាន់កាំភ្លើងដែលបាញ់បោះសេរីនោះ យកមកដាក់ទោសទៅតាមផ្លូវច្បាប់ ៕ Mrr Ka