រាជធានីភ្នំពេញ ៖ រថយន្ដស៊េរីទំនើប២គ្រឿង បានបុកគ្នាត្រង់ផ្លូវបំបែកជាបួន បណ្ដាលឲ្យរងការខូចខាតយ៉ាងដំណំ តែសំណាងល្អ គ្មាននរណាម្នាក់ រងរបួសនោះទេ បង្កការភ្ញាក់ផ្អើលដល់អ្នកដំណើរកាលពីវេលាម៉ោង ១០ យប់ ថ្ងៃទី៤ ខែមករា ឆ្នាំ២០២២ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។

ប្រភពព័ត៌មានពីបងប្អូនប្រជាពលរដ្ឋបានអោយដឹងថា មុនពេលកើតហេតុ គេបានឃើញបុរសម្នាក់ បើករថយន្ដ ស៊េរីទំនើបម៉ាក Luxe’s 570 មួយគ្រឿង ដែលពាក់ស្លាកលេខ ខេមរភូមិន្ទ 2-0817 បើកតាមបណ្ដោយផ្លូវR៦ ក្នុងទិសដៅពីកើតមកលិច ភ្លាមនោះក៏បានបើកមកដល់ស្តុបបំបែកជា៤ ក៏មានរថយន្ដស៊េរីទំនើប ម៉ាក PORCHES ដែលពាក់ស្លាកលេខ ភ្នំពេញ 2M-4455 បើកបរដោយជនជាតិបរទេស ក្នុងទិសដៅពីជើងទៅត្បូង មកដល់ស្តុបបំបែកជាបួន ក៏បានបុកគ្នាពេញមួយទំហឹង បណ្ដាលអោយរថយន្ដស៊េរីទំនើបទាំង២គ្រឿង រងការខូចខាតយ៉ាងដំណំ តែសំណាងល្អគ្មានអ្នកណាម្នាក់រងរបួសនោះទេ។

ក្រោយពេលកើតហេតុ សមត្ថកិច្ចក៏បានមកដល់បានទំនាក់ទំនងអោយសមត្ថកិច្ចជំនាញចរាចរណ៍ផ្លូវគោក ធ្វើការវាស់វែងយករថយន្ដទាំង២គ្រឿង យកទៅរក្សាទុកនៅស្នងការដ្ឋាននគរបាលចរាចរណ៍ផ្លូវគោក ដើម្បីរង់ចាំម្ចាស់រថយន្ដទាំង២គ្រឿង ចូលមកដោះស្រាយគ្នាទៅតាមផ្លូវច្បាប់ ៕ Mrr Ka