សេអ៊ូល៖ ប្រទេសកូរ៉េខាងជើង បានបាញ់សាកល្បងមីស៊ីលផ្លោងចំនួនពីរគ្រាប់នៅថ្ងៃចន្ទនេះ ទីក្រុងសេអ៊ូល បាននិយាយថា ការសាកល្បងអាវុធលើកទីបួនរបស់ខ្លួនក្នុងខែនេះ ខណៈដែលទីក្រុងព្យុងយ៉ាងបានបង្កើនសាច់ដុំយោធារបស់ខ្លួន ដោយមិនអើពើនឹងសំណើចរចាពីសហរដ្ឋអាមេរិក។ នេះបើយោងតាមការចេញផ្សាយដោយសារព័ត៌មាន Bangkok Post នៅថ្ងៃទី១៧ ខែមករា ឆ្នាំ២០២២។
ថ្វីបើរងទណ្ឌកម្មអន្តរជាតិក៏ដោយ ទីក្រុងព្យុងយ៉ាង បានធ្វើតេស្តអាវុធជាច្រើនដងក្នុងឆ្នាំនេះ រួមទាំងមីស៊ីលដែលមានល្បឿនលឿនជាងសំឡេង ខណៈដែលមេដឹកនាំគីម ជុងអ៊ុន បន្តស្វែងរកគោលដៅដែលបានអនុម័តក្នុងការពង្រឹងយោធាបន្ថែមទៀត។
ដោយពឹងផ្អែកផ្នែកសេដ្ឋកិច្ច ពីការទប់ស្កាត់ជំងឺកូវីដ-១៩ ដោយខ្លួនឯង ប្រទេសកូរ៉េខាងជើង មិនបានឆ្លើយតបទៅនឹងការផ្តល់ជូននៃកិច្ចពិភាក្សារបស់ទីក្រុងវ៉ាស៊ីនតោននោះទេ ដោយបានបង្កើនការសាកល្បងអាវុធទ្វេដង និងបានប្តេជ្ញានូវការឆ្លើយតប«ខ្លាំងយ៉ាងខ្លាំងក្លា និងជាក់លាក់ជាងមុន» ចំពោះការប៉ុនប៉ងណាមួយ។
អគ្គសេនាធិការចម្រុះរបស់យោធាកូរ៉េខាងត្បូងបាននិយាយថា «មីស៊ីលផ្លោងរយៈចម្ងាយខ្លី» សង្ស័យចំនួនពីរត្រូវបានបាញ់ចេញពីភាគខាងកើតក្នុងទីក្រុងព្យុងយ៉ាងកាលពីព្រឹកថ្ងៃចន្ទ ដោយប្រទេសជប៉ុនក៏បានបញ្ជាក់ពីការបាញ់បង្ហោះផងដែរ៕
