អ៊ុយក្រែន៖ សារព័ត៌មាន AP ចេញផ្សាយនៅថ្ងៃទី០៣ ខែឧសភា ឆ្នាំ២០២២ បានឲ្យដឹងថា មន្ត្រីជាន់ខ្ពស់អាមេរិកមួយរូបបានព្រមានថា រុស្ស៊ីគ្រោងនឹងបញ្ចូលផ្នែកធំនៃភាគខាងកើតអ៊ុយក្រែននៅចុងខែនេះ ហើយរោងម៉ាស៊ីនដែក Mariupol ដែលបានក្លាយជាបន្ទាយ នៃការតស៊ូចុងក្រោយរបស់ទីក្រុងបានរងការវាយប្រហារជាថ្មី មួយថ្ងៃបន្ទាប់ពីការជម្លៀសជាលើកដំបូង របស់ជនស៊ីវិលពីរោងចក្រ។

លោក Michael Carpenter ឯកអគ្គរដ្ឋទូតសហរដ្ឋអាមេរិកប្រចាំអង្គការសន្តិសុខ និងសហប្រតិបត្តិការនៅអឺរ៉ុប បាននិយាយកាលពីថ្ងៃចន្ទថា សហរដ្ឋអាមេរិកជឿថា វិមានក្រឹមឡាំង ក៏មានគម្រោងទទួលស្គាល់ទីក្រុង Kherson ភាគខាងត្បូងជាសាធារណៈរដ្ឋឯករាជ្យផងដែរ។ លោក បាន និយាយ ថា ទាំង ទង្វើ នឹង មិន ត្រូវ បាន ទទួល ស្គាល់ ដោយ សហរដ្ឋ អាមេរិក ឬ សម្ព័ន្ធមិត្ត របស់ ខ្លួន នោះ ទេ។

បើតាមរបាយការណ៍ឲ្យដឹងថា រុស្ស៊ីគ្រោងនឹងរៀបចំការបោះឆ្នោតប្រជាមតិក្លែងក្លាយនៅក្នុងអ្វីដែលគេហៅថា សាធារណរដ្ឋប្រជាមានិត Donetsk និង Luhansk ដែលនឹង«ព្យាយាមបន្ថែមភាពស្របច្បាប់នៃលទ្ធិប្រជាធិបតេយ្យ ឬការបោះឆ្នោត»និងភ្ជាប់អង្គភាពទៅប្រទេសរុស្ស៊ី។ លោក ក៏ បាន និយាយ ថា មាន សញ្ញា ដែល ថា រុស្ស៊ី នឹង រៀបចំ ការបោះឆ្នោត ឯករាជ្យ នៅទីក្រុងKherson។

លោកបានកត់សម្គាល់ថា អភិបាលក្រុង និងសមាជិកសភាក្នុងស្រុកនៅទីនោះ ត្រូវបានគេចាប់ពង្រត់ សេវាអ៊ីនធឺណិត និងទូរសព្ទដៃត្រូវបានកាត់ផ្តាច់ ហើយកម្មវិធីសិក្សារបស់សាលារុស្ស៊ីនឹងត្រូវដាក់ក្នុងពេលឆាប់ៗនេះ។ រដ្ឋាភិបាល អ៊ុយក្រែន បាន និយាយ ថា រុស្ស៊ី ក៏ បាន ដាក់ បញ្ចូល រូបិយ ប័ណ្ណ នៅ ទីនោះ ផងដែរ៕

ប្រភព៖  AP