ក្រុងគៀវ៖ អ៊ុយក្រែន បានប្រយុទ្ធជាមួយកងកម្លាំងរុស្ស៊ី នៅក្នុងតំបន់ភាគខាងកើតរបស់ខ្លួន កាលពីថ្ងៃអង្គារ ខណៈដែលការវាយប្រហារដោយមីស៊ីលមួយយប់ បានវាយប្រហារកំពង់ផែភាគខាងត្បូងនៃតំបន់ Odessa ខណៈដែលសហរដ្ឋអាមេរិក បានព្រមានថា ប្រធានាធិបតីរុស្ស៊ីលោក វ៉ា្លឌីមៀរ ពូទីន ត្រៀមខ្លួនរួចជាស្រេចសម្រាប់សង្រ្គាមដ៏យូរ។ នេះបើយោងតាមការចេញផ្សាយដោយសារព័ត៌មាន Bangkok Post នៅថ្ងៃទី១១ ខែឧសភា ឆ្នាំ២០២២។
ការព្យាករណ៍ដ៏អាក្រក់របស់ទីក្រុងវ៉ាស៊ីនតោន បានកើតឡើង បន្ទាប់ពីអ៊ុយក្រែនបាននិយាយថា សមាជិកភាពរបស់ខ្លួននៃសហភាពអឺរ៉ុប គឺជាសំណួរនៃ «សង្រ្គាមនិងសន្តិភាព» សម្រាប់ទ្វីបទាំងមូល នៅពេលដែលក្រុងគៀវប្រឈមមុខនឹងប្រទេសរុស្ស៊ី ក្នុងរយៈពេលពីរខែ បន្ទាប់ពីទីក្រុងម៉ូស្គូបានឈ្លានពាន។
ទីក្រុងគៀវ ក៏បានសាទរផងដែរនូវអ្វីដែលខ្លួនបាននិយាយថា គឺជាមហាអំណាចសហភាពអឺរ៉ុប ដែលបានផ្លាស់ប្តូរជំហររបស់អាល្លឺម៉ង់ លើការហាមប្រាមប្រេងរបស់រុស្ស៊ី និងលើការផ្គត់ផ្គង់អាវុធដល់អ៊ុយក្រែន។
ជាមួយគ្នានេះ ការវាយប្រហារបានផ្ទុះឡើងនៅភាគខាងត្បូង ដោយមីស៊ីលនៅOdessa ពេញមួយយប់ បានបំផ្លាញអគារនានា ដុតបំផ្លាញមជ្ឈមណ្ឌលលក់ទំនិញ និងបានសម្លាប់មនុស្សម្នាក់ ត្រឹមតែប៉ុន្មានម៉ោងបន្ទាប់ពីដំណើរទស្សនកិច្ចរបស់ប្រធានក្រុមប្រឹក្សាអឺរ៉ុបលោក Charles Michel។
ក្នុងនោះដែរ ក្រុមមន្ត្រីក៏បាននិយាយផងដែរថា ទាហានប្រហែល១,០០០ នាក់នៅតែជាប់ក្នុងស្ថានភាពធ្ងន់ធ្ងរកាន់តែខ្លាំងឡើង នៅក្នុងរោងចក្រដែក Azovstal នៅឯទីក្រុង Mariupol ដែលត្រូវបានបំផ្លិចបំផ្លាញ។
សូមបញ្ជាក់ថា រុស្ស៊ីបានចូលឈ្លានពានអ៊ុយក្រែននៅថ្ងៃទី២៤ ខែកុម្ភៈ ប៉ុន្តែកម្លាំងអ៊ុយក្រែនបានគ្រប់គ្រងរុញកងកម្លាំងរបស់ក្រុងម៉ូស្គូឲ្យត្រឡប់ពីក្រុងគៀវវិញ។ អភិបាលក្រុងបាននិយាយកាលពីថ្ងៃអង្គារថា ពីរភាគបីនៃអ្នកស្រុករបស់ខ្លួនបានវិលត្រឡប់មកវិញ។
បន្ថែមពីនេះ លោកពូទីន បានផ្តល់តម្រុយមួយចំនួនលើផែនការរបស់លោក ប៉ុន្តែនាយកស៊ើបការណ៍ជាតិអាមេរិក លោកស្រី Avril Haines បាននិយាយកាលពីថ្ងៃអង្គារថា មេដឹកនាំរុស្ស៊ីនឹងមិនបញ្ចប់សង្រ្គាម ជាមួយយុទ្ធនាការDonbasនោះទេ ហើយនឹងប្តេជ្ញាសាងសង់ស្ពានដីទៅកាន់ទឹកដីដែលគ្រប់គ្រងដោយរុស្ស៊ីក្នុងប្រទេសម៉ុលដាវី៕
ប្រភព៖ Bangkok Post
