ជារៀងរាល់ឆ្នាំ ប្រជាពលរដ្ឋខ្មែរ ប្រារព្ធប្រតិបត្តិធ្វើពិធីកាន់បិណ្ឌ និងភ្ជុំបិណ្ឌ ដែលមានតាំងពីបូរាណកាល រហូតមកដល់សម័យបច្ចុប្បន្ននេះ មិនដែលអាក់ខានម្តងណាឡើយ តាមទំនៀមទម្លាប់របស់ដូនតាខ្មែរយើង។

គិតមកដល់ត្រឹមថ្ងៃទី២១ ខែ កញ្ញា ឆ្នាំ២០២២ ម្សិលមិញនេះ ក្នុងពិធីកាន់បិណ្ឌ លោកស្រី សុខ រស្មី និងក្រុមគ្រួសារ ម្ចាស់ផលិតផលសារាយសមុទ្រ និង ផលិតផលថែរក្សាសម្រស់ Sybelle Paris ស៊ីប៊ែល ប៉ារីស ដែលនាំចូលមកពីប្រទេសបារាំងបានបង្ហោះនិងចែករំលែកតាមប្រព័ន្ធហ្វេសប៊ុក ដោយលោកស្រី សុខ រសី្ម និងក្រុមគ្រួសារបានទៅកាន់បិណ្ឌបានចំនួន ៧វត្ត និងបានបូជាទៀនធូប ចំពោះព្រះពុទ្ធរូបព្រះសម្មាសាម្ពុទ្ធ និងនមសកាព្រះរតនត្រ័យ ទៅតាមគន្លងព្រះធម៌ព្រះសម្មាសាម្ពុទ្ធរួចមក ព្រមទាំង បងប្អូនញាតិមិត្ត ពុទ្ធបរិស័ទបានធ្វើពិធីរាប់បាត្រ បង្សុកូល ឧទ្ទិសកុសលផលបុណ្យ ជូនដល់ដួងវិញ្ញាណក្ខ័ន្ត ចំពោះមាតាបិតា ជីដូនជីតា និង ញាតិកាលទាំង៧សណ្តាន ព្រមទាំងឧទ្ទិសដល់ដួងវិញ្ញាណក្ខ័ន្តដល់កម្មាភិបាល យុទ្ធជន ដែលបានពាលីជីវិត ក្នុងបុព្វហេតុជាតិមាតុភូមិកម្ពុជា សូមឲ្យទទួលបាននូវផល្លានិសង្ឃក្នុងរដូវកាលបុណ្យកាន់បិណ្ឌ និង ភ្ជុំបិណ្ឌនេះ និង សូមឲ្យអំណាចនៃអានិសង្ឃនេះជួយទ្រទ្រង់ឲ្យវិញ្ញាណក្ខន្ធអ្នកទាំងនោះ បានទៅកាន់បរមសុខកុំបីឃ្លៀងឃ្លាត ក្នុងឋានសុគតិភពកុំបីខានឡើយ ពិសេស ក៏បាននាំយកទេយ្យទានជាគ្រឿងឧបភោគបរិភោគមានដូចជា មី ទឹកសុទ្ធ និងភេសជ្ជៈ ថវិកា អង្ករ ទឹត្រីទឹកស៊ីអ៊ីវ ប្រេងកូឡា ស្លាដក់ ធូបទៀនជាច្រើនទៀត និងបច្ច័យកសាងប្រគេនព្រះសង្ឃដើម្បីវេរប្រគេនព្រះភិក្ខុសង្ឃ រួមទាំងការចែកទានជូនប្រជាពលរដ្ឋ ជួបទុក្ខលំបាកចំនួនប្រហែលជាង២០០០នាក់មានដូចជា សៀវភៅ ប៊ិច មី និងថវិកា ក្នុងការធ្វើបុណ្យចែកទាន ដែលសរុបជាទឹកប្រាក់អស់ប្រហែល៣០០លានរៀល អំឡុងពេលបុណ្យភ្ជុំបិណ្ឌ ផងដែរ ៕