ខេត្តសៀមរាប ៖ យោងតាមផេក រដ្ឋបាលខេត្តសៀមរាប បានឲ្យដឹងថា អាងពិព័រណ៌ត្រីទឹកសាប ទឹកប្រៃ និង សត្វជាច្រើនប្រភេទ នឹងបើកដំណើរការចាប់ពីថ្ងៃទី ០១ ខែវិច្ឆិកា ឆ្នាំ ២០២២នេះតទៅ ។
អាងពិព័រណ៍ណ៌ត្រីទឹកសាប ទឹកប្រៃ និង សត្វជាច្រើនប្រភេទ ដែលមានទំហំប្រមាណជាង ១ម៉ឺនម៉ែត្រគូប ដែលនឹងដាក់តាំងបង្ហាញប្រភេទត្រីទឹកសាប ត្រីទឹកប្រៃ ដែលមានស្រាប់ក្នុងប្រទេសកម្ពុជា និងមួយចំនួននាំចូលមកពីបរទេស ព្រមទាំងមានសត្វច្រើនប្រភេទដូចជា សត្វខ្លាមកពី ប្រទេសអាហ្វ្រិចខាងត្បូង ខ្លាឃ្មុំ សត្វភេ អណ្តើកហ្លួង និងក្រពើភ្នំ...។ល។ ដែលស្ថិតនៅតាមបណ្ដោយ ផ្លូវជាតិលេខ៦ ភូមិក្បូនឃុំខ្ចាស់ ស្រុកសូទ្រនិគម ខេត្តសៀមរាប។
ជាមួយនឹងដំណើរការនេះ រដ្ឋបាលខេត្តសៀមរាបសូមអបអរសាទរ និងសូមសម្តែងគាំទ្រចំពោះការវិនិយោគ ព្រមទាំងដៃគវិនិយោគនានាចូលមកវិនិយោគក្នុងខេត្តសៀមរាបបន្ថែមទៀត ដើម្បីជាឱកាសបង្កើនការងារ និងប្រាក់ចំណូលដល់ប្រជាពលរដ្ឋក្នុងខេត្តសៀមរាប ៕
