ភេសជ្ជៈប៉ូវកម្លាំង មីស៊ីល របស់ លោកជំទាវ ឧកញ៉ា សុខ សុភាព អគ្គនាយិកា ក្រុមហ៊ុន អង្គរ ដេលី ហ៊្វូដ ត្រូវបានជ្រើសរើសសម្រាប់ពិធីស្រាយបួសខែរ៉ាម៉ាឌន នៃសាសនាឥស្លាមកម្ពុជាលើកទី៧ ក្រោមវត្តមាន សម្តេច តេជោ ហ៊ុន សែន នាយករដ្ឋមន្ត្រីកម្ពុជា និង ឯកឧត្ដម Anwar Bin Ibrahim នាយករដ្ឋមន្រ្តី នៃប្រទេសម៉ាឡេស៊ី នៅមជ្ឍមណ្ឌលសន្និបាត និងពិព័រណ៌អន្តរជាតិជ្រោយចង្វារកាលពី ល្ងាច ថ្ងៃទី២៧ ខែមីនា ឆ្នាំ២០២៣។ យ៉ាងណាមិញ ក្រោយ ពេល សម្តេច តេជោ មានមតិ សំណេះ សំណាល ចប់ ក៏ មាន ពិធី ពិសារ អាហារ ស្រាយបួស រួម គ្នា ជាមួយ បង្អូនខ្មែរឥស្លាមប្រម៉ាន ៦ពាន់នាក់ ដែលមាន ការ រៀបចំ ម្ហូបអាហារ ភេសជ្ជៈ មួយ ចំនួន ក្នុងនេះក៏មាន ភេសជ្ជៈប៉ូវកម្លាំង មីស៊ីល ដែលបានទទួលស្គាល់ពីគណៈកម្មាធិការត្រួតពិនិត្យផលិតផលហាឡាលកម្ពុជា និងទទួលស្គាល់ដោយវិទ្យាស្ថានស្តង់ដារគុណភាព និងអនាម័យតាម កម្រិតស្តង់ដារ ISO 9001-2015 និង ISO 22000- 2018។ ក្រុមហ៊ុន អង្គរ ដេលី ហ៊្វូដ ជាក្រុមហ៊ុនដែលបង្កើតឡើងដោយវិនិយោគិនខ្មែរ ១០០% មានទីតាំងនៅផ្លូវ ព្រៃស សង្កាត់ព្រៃស ខណ្ឌ័ដង្កោល រាជធានីភ្នំពេញ។ រោងចក្រដ៏ធំអស្ចារ្យមួយនេះ ក៏មានផលិតផល ២មុខទៀតដូចជា ភេសជ្ជៈប៉ូវកម្លាំង ឆេមពាន និង ភេសជ្ជៈប៉ូវកម្លាំង រេដ អាន អាចរួមចំណែកជាមួយ រាជរដ្ឋាភិបាលបង្កើតការងារ ដល់ យុវជនកម្ពុជាចំនួនជាង ៣៥០ កន្លែង។