រាជធានីភ្នំពេញ ៖ ព្រះអង្គ អង្គសាបុ សាយ៉ាដាវ (Aung Zabu Sayadaw) ប្រធានសមាគមន៍ព្រះពុទ្ធពិភពលោកWAB អមដំណើរដោយមន្ត្រីសង្ឃជាន់ខ្ពស់របស់ប្រទេសភូមា និងពុទ្ធបរិស័ទ បាននិមន្ត និងអញ្ជើញ មកកាន់ប្រទេសកម្ពុជា ដើម្បីធ្វើបុណ្យទក្ខិណាទាន ថ្វាយសម្តេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា សម្តេចព្រះចៅអធិការវត្ត ឧណ្ណាលោម និង សម្តេចព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត សម្តេចព្រះសង្ឃនាយក នៃព្រះរាជាណាចក្រកម្ពុជា ។

ក្នុងការនិមន្តមកដល់ប្រទេសកម្ពុជា ក៏មានការភទ្ទន្តពីសម្តេចព្រះឧត្តមចរិយាបណ្ឌិត ឈឹង ប៊ុនឈា មហាសទ្ធាបុញ្ញាភិរ័ក្ខសិរីសីលាភិរ័តព្រឹទ្ធាចរិយានី ញឹក ប៊ុនថា ព្រមទាំងក្រុមប្រឹក្សាភិបាលរបស់មណ្ឌលវប្បធម៌ព្រះពុទ្ធសាសនាកម្ពុជា នៅអាកាសយាន្តដ្ឋានអន្តរជាតិ ភ្នំពេញ ។

សូមបញ្ជាក់ថា ក្នុងការនិមន្តមកកាន់ប្រទេសកម្ពុជា នាពេលនេះដែរ ទិសដៅទី១ គឺ ព្រះអង្គ អង្គសាបុ សាយ៉ាដាវ (Aung Zabu Sayadaw) ប្រធានសមាគមន៍ព្រះពុទ្ធពិភពលោក និមន្ត មកធ្វើបុណ្យទក្ខិណាទាន ថ្វាយសម្តេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា សម្តេចព្រះចៅអធិការវត្ត ឧណ្ណាលោម ដែលព្រះអង្គកំពុងអាពាធ និង សម្តេចព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត សម្តេចព្រះសង្ឃនាយក នៃព្រះរាជាណាចក្រកម្ពុជា ។

ក្នុងនោះ ការនិមន្តមកកាន់កម្ពុជារបស់ព្រះអង្គ អង្គសាបុ សាយ៉ាដាវ (Aung Zabu Sayadaw)ប្រធានសមាគមន៍ព្រះពុទ្ធពិភពលោក នាពេលនេះ ក៏ជាមហាកិត្តយស ដែលព្រះអង្គបានផ្តល់ជូន អគ្គមហាឧបាសិកាធម្មបណ្ឌិត ញឹក ប៊ុនថា ស្ថាបនិក មជ្ឍមណ្ឌលវប្បធម៌ព្រះពុទ្ធសាសនាកម្ពុជា ជាអ្នកចាត់ចែងរៀបចំតំណាងឲ្យប្រទេសកម្ពុជា ក្នុងការរៀបចំចង្ហាន់នៅក្នុងពិធីបុណ្យនិងចូលជាបច្ច័យក្នុងសង្ហាន់ចំនួន៣០០០ដុល្លាផងដែល ក្នុងនោះអ្នកឧកញ្ញា អ៊ិង ស៉ីស្រន អគ្គមហាឧបាសិកា និងអ្នកឧកញ្ញា ឈុន នាង អគ្គមហាឧបាសិកា ចូលជាសង្ហាន់ភេសជ្ជៈនិងទឹកសុទ្ធ ទន្ទឹមនឹងនោះក៏មានការអញ្ជើញចូលរួមពីថ្នាក់ដឹកនាំមន្ត្រីសង្ឃជាន់ខ្ពស់របស់ប្រទេសកម្ពុជា ផងដែរ ៕