រាជធានីភ្នំពេញ ៖ កម្លាំងនគរបាលខណ្ឌសែនសុខ ដឹកនាំដោយលោក វរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខផ្ទាល់ ចុះធ្វើការបង្ក្រាប ទីតាំងជួញដូរនិងប្រើប្រាស់គ្រឿងញៀន ចំនួន០៣ទីតាំង ដកហូតគ្រឿងញៀនជិត ៣គីឡូ ថ្នាំគ្រាប់WY ចំនួន១៧៤គ្រាប់ ឃាត់ខ្លួនជនសង្ស័យចំនួន១០នាក់ កាលពីថ្ងៃទី០៤ ខែមិថុនា ឆ្នាំ២០២៤ ។
ក្នុងនោះ ទាំង៣គោលដៅរួមមាន ៖
+នៅចំណុចភូមិសំរោងទាវ សង្កាត់ក្រាំងធ្នង់ ឃាត់ខ្លួនជនសង្ស័យ ចំនួន០៥នាក់។
+នៅចំណុចភូមិក្រាំងអង្ក្រង២ សង្កាត់ក្រាំងធ្នង់ ឃាត់ខ្លួនជនសង្ស័យ ចំនួន០៣នាក់។
+នៅចំណុចភូមិធ្លក សង្កាត់គោរកា ខណ្ឌព្រែកព្នៅ ឃាត់ខ្លួនជនសង្ស័យ ចំនួន០២នាក់។
ជុំវិញប្រតិបត្តិការនេះ សមត្ថកិច្ចដកហូតវត្ថុតាងសរុប ៖ ឃាត់ជនសង្សយ័ចំនួន១០នាក់ និងថ្នាំញៀនចំនួន១៤កញ្ចប់ថង់ប្រហែល២៦០០ក្រាម(២,៦គីឡូក្រាម)(០២កញ្ចប់ថង់ធំ, ០៧កញ្ចប់ថង់ធំល្មម, ០៥កញ្ចប់ថង់តូច) និងថ្នាំគ្រាប់ពណ៍ផ្កាឈូកប្រភេទWYចំនួន១៧៤គ្រាប់ និងជញ្ជីងសម្រាប់ថ្លឹងគ្រឿងញៀន ចំនួន០២ បញ្ជូនទៅធ្វើការសាកសួរ និងកសាងសំណុំរឿងចាត់ការតាមនីតិវិធីច្បាប់ ៕ អែល វិចិត្រ
