ខេត្តត្បូងឃ្មុំ៖ នៅថ្ងៃទី០៦ ខែកក្កដា ឆ្នាំ២០២៤ កម្លាំងជំនាញព្រហ្មទណ្ឌ ជំនាញប្រឆាំងគ្រឿងញៀន ជំនាញផែនសនិ្តសុខ បានសហការជាមួយ កម្លាំងប៉ុស្តិ៍នគរបាលរដ្ឋបាលព្រះធាតុ ប៉ុស្តិ៍នគរបាលរដ្ឋបាលទួលសូភី ប៉ុស្ដិ៍នគរបាលរដ្ឋបាលគងជ័យ និង ប៉ុស្តិ៍នគរបាលរដ្ឋបាលអំពិលតាពក បានចុះធ្វើការស្រាវជ្រាវ លេីករណីក្មេងបង្ហាះម៉ូតូ ចំនួន០៦នាក់ មានម៉ូតូចំនួន០៤គ្រឿង ដែលបានបង្ហាះម៉ូតូ លើផ្លូវសាធារណៈ ននៅចំណុចខាងត្បូងភូមិ៧៣ ឃុំទួលសូភី ស្រុកអូររាំងឪ ខេត្តត្បូងឃ្មុំ កកាលពីថ្ងៃ ០៥ខែ កក្កដា ឆ្នាំ២០២៤ វេលាម៉ោង១៥:៤០នាទី ត្រូវបានប្រជាពលរដ្ឋថតបានពីក្នុងរថយន្ត ហើយបានយកទៅផុសនៅលើបណ្ដាញសង្គមហ្វេសបុក បន្ទាប់ពីទទួលបានព័ត៌មានខាងលើ កម្លាំងសមត្ថកិច្ចយេីង បបានចុះស្រាវជ្រាវ កំណត់មុខសញ្ញាបបានចំនួន ០៦នាក់ នាំមកកាន់ អធិការដ្ឋាននគរបាលស្រុកអូររាំងឪដេីម្បីសួរនាំ ។
ក្រោយពីបានធ្វើការសួរនាំរួចមក សមត្ថកិច្ចយើងបានធ្វើកិច្ចសន្យា និងអនុវត្តវិធានការអប់រំកែប្រែ នៅចំពោះមុខឪពុកម្ដាយ អាណាព្យាបាល និង បានឲ្យធ្វើការសំអាតបរិស្ថាន នៅបរិវេណ អធិការដ្ឋាននគរបាលស្រុកអូររាំងឪ ។ និងបានធ្វើកិច្ចសន្យាមិនឲ្យប្រព្រឹត្តទង្វើបែបនេះ ទៅថ្ងៃក្រោយទៀត ត្រូវខិតខំកែប្រែកសាងខ្លួនឲ្យក្លាយជា មនុស្សល្អ ជាទីស្រឡាញ់របស់គ្រួសារ និងសង្គមជាតិ ។
ក្រោយពីបានធ្វើកិច្ចសន្យាអប់រំកែប្រែរួចសមត្ថកិច្ចយើង បានប្រគល់ក្មេងទំនើងទាំង០៦នាក់ ជូនទៅឪពុកម្ដាយ អាណាព្យាបាល យកត្រឡប់ទៅលំនៅឋានប្រកបមុខរបររកស៊ីជាធម្មតាវិញ។
សូមអរគុណដល់សាធារណៈជន ដែលបានផ្តល់ព័ត៌មាន ដើម្បីជួយឲ្យសមត្ថកិច្ចយើង ងាយស្រួលក្នុងការស្រាវជ្រាវ និងឈានដល់ការបង្ក្រាបយកមកអប់រំ ក្មេងទំនើងខាងលើ ៕
