រាជធានីភ្នំពេញ ៖ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ បន្តឧបត្ថម្ភថវិកា២លានរៀលលើកទឹកចិត្តដល់កម្លាំងជំនាញនៃអធិការដ្ឋាននគរបាលខណ្ឌ៧មករាដែលបានបង្រ្កាបជនសង្ស័យ០៣នាក់ឆក់ទូរស័ព្ទ!
សូមបញ្ជាក់ថា កម្លាំងជំនាញនៃអធិការដ្ឋាននគរបាលខណ្ឌ៧មករាកដឹកនាំបញ្ជាផ្ទាល់ដោយលោកវរសេនីយ៍ទោ ជុន ប៊ុនណាន អធិការនគរបាលខណ្ឌ៧មករា នៅថ្ងៃទី១០ ខែមិថុនា ឆ្នាំ២០២៥ វេលាម៉ោង ១និង៤៥នាទីរសៀល បានបង្ក្រាបជនសង្ស័យ០៣នាក់ បានធ្វើសកម្មភាពឆក់ទូរស័ព្ទដៃប្រជាពលរដ្ឋនៅចំណុចមុខស្តាតអូឡាំពិក ស្ថិតក្នុងភូមិ៧ សង្កាត់វាលវង់ ខណ្ឌ៧មករា រាជធានីភ្នំពេញ ។ជនសង្ស័យ ០៣នាក់ មានឈ្មោះដូចខាងក្រោម ៖
១-ហោ វណ្ណ ហៅ ពេជ្រ ភេទប្រុស អាយុ ១៧ឆ្នាំ ។
២-សុខ ខេង ហៅ ហេង ភេទប្រុស អាយុ ១៨ឆ្នាំ ។
៣-មាស សុវណ្ណរ័ត្ន ភេទប្រុស អាយុ ១៨ឆ្នាំ ។
ក្នុងនោះ ជនសង្ស័យទាំង០៣នាក់ខាងលើ ជាមុខសញ្ញាចាស់ (ធ្លាប់ជាប់ពន្ធនាគារ) និងបានធ្វើសកម្មភាពឆក់ចំនួន ០៨ករណី ៖
- ៧មករា ០៣ ករណី
- ដូនពេញ ០១ ករណី
- ទួលគោក ០២ ករណី
- ចំការមន ០១ ករណី
- ឬស្សីកែវ ០១ ករណី ។
រង្វង់ប្រតិបត្តិការនេះ សមត្ថកិច្ចបានធ្វើការ វត្ថុតាងដកហូតបានរួមមាន ៖
- ទូរស័ព្ទដៃចំនួន ០៤ គ្រឿង
- Ipad ០១ គ្រឿង
- ម៉ូតូ ០២ គ្រឿង (មធ្យោបាយធ្វើសកម្មភាព) ។
បច្ចុប្បន្ន ជនសង្ស័យខាងលើ កំពុងឃាត់ខ្លួននៅអធិការដ្ឋានខណ្ឌ៧មករា ដើម្បីកសាងសំណុំរឿងបញ្ជូនទៅកាន់សាលាដំបូង ដើម្បីអនុវត្តតាមនិតិវិធី៕ នុច
